Білетная каса:

+375 17 331-16-17

Замаўленне квіткоў

Дзяржаўны камерны хор Рэспублікі Беларусь

Дзяржаўны камерны хор Рэспублікі Беларусь, створаны ў кастрычніку 1988 года, з першых крокаў не толькі прыцягнуў пільную ўвагу музычнай грамадскасці, але і дасягнуў значных творчых поспехаў.

Заснавальнікам і першым мастацкім кіраўніком калектыву стаў выпускнік Ленінградскай дзяржаўнай кансерваторыі заслужаны дзеяч мастацтваў Рэспублікі Беларусь Ігар Мацюхоў. Сур'ёзны і ўдумлівы музыкант, ён шмат у чым вызначыў галоўны кірунак усёй творчай дзейнасці хору: адраджэнне і прапаганда «жамчужын» старадаўняй беларускай і рускай духоўнай музыкі, заходнееўрапейскай класікі, сачыненні маладых беларускіх кампазітараў. Так у праграмах з'явіліся старадаўнія беларускія спевы XIV-XIX стагоддзяў, духоўныя творы беларускіх аўтараў канца XIX пачатку XX стагоддзяў (М.Равенскі, А.Туранкоў і інш.), руская духоўная і класічная музыка, уключаючы харавыя канцэрты Д.Бартнянскага, А.Архангельскага, П.Часнакова, харавыя кампазіцыі П.Чайкоўскага, С.Рахманінава, С.Танеева, А.Барадзіна. Значнае месца ў рэпертуары хору займаюць шэдэўры заходне-еўрапейскай класікі (І.С.Бах, А. Ласо, Дж.Качыні, А.Вівальдзі, І.Брамс, Ф.Мендэльсон, Э.Грыг), а таксама сачыненні кампазітараў XX стагоддзя (Г.Свірыдаў, С.Сланімскі, Ю.Фалік, Р.Шчадрын).

У кастрычніку 2000 года камерны хор ўзначаліла выпускніца Беларускай дзяржаўнай кансерваторыі заслужаная артыстка Рэспублікі Беларусь Наталля Міхайлава. Шырокая эрудыцыя, высокі ўзровень мастацкай культуры, адданасць творчасці дазваляюць вызначыць Н.Міхайлову як адну з яскравых і значных асоб у сучасным музычным мастацтве Беларусі. Высокае прафесійнае майстэрства, выдатныя вакальныя дадзеныя і педагагічны талент кіраўніка далі магчымасць пашырыць рэпертуарныя і жанравыя межы камернага выканальніцтва: хор удзельнічаў у пастаноўках опер «Латарэя» С.Манюшкі і «Чыо-чыо-сан» Дж.Пучыні. У лютым 2008 года за высокае прафесійнае майстэрства Наталля Міхайлава была адзначана Медалём Францыска Скарыны.

Сёння ў рэпертуары хору натуральна і арганічна суседнічаюць духоўная музыка і джаз, класіка і сучаснасць. Творчыя магчымасці калектыву, які складаецца з 30 музыкантаў-прафесіяналаў, невычэрпныя. Пастаянна працуючы над новымі праграмамі з твораў рускай (Дз.Бартнянскі, П.Чайкоўскі, С. Рахманінаў, Г.Свірыдаў) і заходнееўрапейскай класікі (І.С.Бах, Г.Гендэль, Д.Букстэхудэ, В.А.Моцарт), рыхтуючы прэм'еры твораў сучасных беларускіх кампазітараў (С.Картэс, В.Капыцько, А.Бандарэнка, А.Хадоска і інш.), Дзяржаўны камерны хор Рэспублікі Беларусь шмат гастраліруе. На яго рахунку сотні паспяховых канцэртаў па гарадах Беларусі, выступленні ў лепшых залах Масквы, Санкт-Пецярбурга, Таліна, Кіева, Сочы і інш.

Хор з'яўляўся ўдзельнікам міжнародных музычных і харавых фестываляў у Польшчы («Гайнаўскія дні царкоўнай музыкі», 2006, Гран- Пры), Нарвегіі (1991-1995), Славакіі (1995), Швецыі, Германіі, Эстоніі (XV Міжнародны фестываль праваслаўнай духоўнай музыкі «Credo», Талін, 2008), Літве (Міжнародны фестываль рускай духоўнай музыкі, Вільнюс , 1999-2009), Расіі (IX Міжнародны Маскоўскі Пасхальны фестываль, мастацкі кіраўнік - Валерый Гергіеў, Масква, 2010).

Замежная крытыка высока ацэньвае майстэрства беларускіх выканаўцаў: «Камерны хор Рэспублікі Беларусь стаў адной з самых уражлівых падзей Міжнароднага фестывалю ў Сторде», - «Haugesunds Avis», Нарвегія; «... Камерны хор не толькі задаволіў слухачоў выключным выкананнем, але і садзейнічаў сваім канцэртам зборам сродкаў для дзяцей, якія пацярпелі ад Чарнобыльскай аварыі», - « Süddeutsche Zeitung », Германія; « ... Іх спевы - гэта сапраўднае адкрыццё, гэта малітва, гэта жывое адчуванне таго, што існуе паміж нот», - «Gazeta Robotnicza», Польшча. Адна з апошніх паспяховых работ калектыву - канцэрт «Негрыцянскі спірычуэлс і джаз», сумесна з дырыжорам і салістам прафесарам Айра Сполдзінгам (Нью-Ёрк) і джаз-бэндам «Яблычная гарбата» на сцэне Вялікай залы Белдзяржфілармоніі (праект Ф.Сулеймана-задэ). З гэтай праграмай калектыў прыняў удзел у юбілейным Міжнародным музычным фэсце «Пракоф'еўская вясна» (Данецк, Украіна). Звяртае на сябе ўвагу таксама праграма «Поры года», прысвечаная 270-годдзю з дня смерці Антоніа Вівальдзі, падрыхтаваная сумесна з «Камернымі салістамі Мінска» пад кіраўніцтвам Дзмітрыя Зубава.

У 2011 годзе Дзяржаўны камерны хор Рэспублікі Беларусь стаў дыпламантам VIII Міжнароднага фестывалю праваслаўнай музыкі «Святая Багародзіца - Дастойна ёсць» (Памор'е, Балгарыя), дыпламантам I Міжнароднага фестывалю сакральнай музыкі Святога Якуба (Вільнюс, Літва), у снежні з вялікім поспехам выступіў з каляднай праграмай у гарадах Каралеўства Бельгія.

Наперадзе - новыя сустрэчы з выдатным музычным калектывам, чый шлях адзначаны пастаянным удасканаленнем, нястомным пошукам і новымі адкрыццямі.

Впереди - новые встречи с замечательным музыкальным коллективом, чей путь отмечен постоянным совершенствованием, неустанным поиском и новыми откровениями.

Дырэктар - Алена Уладзіславаўна Кавалёва

Тэлефоны:

+375 17 331 46 68 (тэлефон / факс)

+375 29 185 80 48

Генеральны партнер

Дзяржаўнага камернага хора Рэспублікі Беларусь

bel veb logotype 9

Дзяржаўны камерны хор

 

Наталля Міхайлава

facebook.com/belarusianchamberchoir

vk.com/chamberchoir


 

Дырэктар - Алена Уладзіславаўна Кавалёва

Тэлефоны:

+375 17 331 46 68 (тэлефон / факс)

+375 29 185 80 48

Генеральны партнер

Дзяржаўнага камернага хора Рэспублікі Беларусь

bel veb logotype 9

Дзяржаўны камерны хор

 

Наталля Міхайлава