“Залаты век джаза”

“ЗАЛАТЫ ВЕК ДЖАЗА”

28 сакавіка 2023 года ў Беларускай дзяржаўнай філармоніі ў 19.00 у рамках праекта “Джаз з Андрэем Славінскім” адбудзецца канцэрт “Залаты век джаза” – трэці з цыкла канцэртаў “Імправізацыя”.

Мы пакажам вам, як эвалюцыяваў джаз ад бібопа да кул джаза і хард бопа; раскажам аб развіцці імправізацыйнага джаза Чарлі Паркера, Майлза Дэвіса і Джона Колтрэйна. Таксама вашай увазе будзе пададзена бачанне таго, як асаблівая манера выканання можа спалучацца з паліфоніяй. У канцэрце прагучаць аўтарскія аранжаванні самых вядомых кампазіцый “залатога веку джаза”, якія вы пэўна выдатна ведаеце.

***

Цыкл канцэртаў “Імправізацыя” гэта:

• тэматычныя праграмы, складзеныя з джазавых твораў розных эпох у аўтарскіх аранжаваннях, зробленых VIP Jazz Андрэя Славінскага – адным з самых вядомых прафесійных джазавых калектываў Беларусі;
• тэма кожнага канцэрта – гэта пэўная эпоха развіцця джаза, што характарызуецца самабытным стылем выканання;
• лёгкая нязмушаная атмасфера, джазавыя імправізацыі, якія прыемна слухаць;
• інфармацыя аб розных эпохах джаза. У перапынках паміж гучаннем музыкі мы раскажам вам пра асноўныя джазавыя кірункі вядомыя і не зусім, але вельмі цікавыя факты.