“ДАРОГА Ў АНДАЛУСІЮ”

Любоў і запал, адзінота і боль, нястрымная радасць і ціхае шчасце... Калі для выразу гэтых пачуццяў не стае словаў, на дапамогу прыходзіць фламенка. Гэта жарсны і зачаравальны музычны жанр, што ўвабраў у сябе дух іспанскай і бунтарскай цыганскай культуры.

У бясконцым сусвеце пад назвай “Гітара” музыка фламенка з’яўляецца адным з самых яркіх сузор’яў. Канцэртная праграма “Дарога ў Андалусію” стане для вас сапраўдным прысвячэннем у гэты чароўны свет.

Вас чакае вытанчаная музыка ва ўнікальнай супольнасці гітары, кахона, перкусіі і трубы. У праграме вечара – лепшыя творы са скарбніцы канцэртнага рэпертуару прызнаных віртуозаў, якія падарылі свету фламенка: Пака дэ Лусіі, Вісэнтэ Аміга, Тамаціта, Эль Б’ехіна, Манола Франка, Эль Ніно дэ Пура і іншых вялікіх кампазітараў.

Ініцыятарамі і галоўнымі дзейнымі асобамі гэтага яркага музычнага спектакля стануць віртуозныя музыканты, чые імёны добра знаёмыя знатакам па ўсім свеце.

Запрашаем вас на канцэрт, дзе запал сустракаецца з віртуознасцю, а традыцыя – з сучасным гучаннем! ¡Olé!

• Валерый Чакон (гітара фламенка)

Адзін з вядучых гітарыстаў Еўропы, яркі прадстаўнік андалусійскай школы ігры на гітары. Яго выканальніцкую манеру адрознівае адменная віртуознасць і па-ўсходняму вытанчаная меладычнасць. Валерый – лаўрэат міжнародных конкурсаў і ўладальнік прэстыжнай прэміі “Прызнанне”. Ён скончыў Расійскую акадэмію музыкі імя Гнесіных (клас прафесара Аляксандра Фраўчы) і аспірантуру Нацыянальнай акадэміі музыкі ў Кракаве (Польшча). Карта гастроляў маэстра ахапляе ўсю Еўропу і шматлікія краіны свету.

• Ксенія Чакон (кахон, пальмас, перкусія)

Лаўрэат міжнародных конкурсаў і джазавых фестываляў. Задае рытмічны грунт канцэрта, напаўняючы гучанне аўтэнтычнымі рытмамі фламенка.

• Эль Глорыа (труба)

Лаўрэат джазавых конкурсаў і фестываляў. Яго труба дадае новыя, нечаканыя фарбы ў магічную музыку фламенка, ствараючы ўнікальны сплаў іспанскіх традыцый і джазавай імправізацыі.