XXXIX Фестываль музыкі “Мінская вясна”
“ВЯСНЫ МАЁЙ САЛАЎІНАЯ ПЕСНЯ”
Канцэрт да 20-годдзя творчай дзейнасці салісткі заслужанага калектыву Рэспублікі Беларусь Беларускага дзяржаўнага ансамбля народнай музыкі “Свята” Людмілы Кірыленка
У канцэрце бяруць удзел:
артысты заслужанага калектыву Рэспублікі Беларусь Беларускага дзяржаўнага ансамбля народнай музыкі “Свята”
Мастацкі кіраўнік – Вячаслаў Статкевіч
У канцэрце бяруць удзел:
лаўрэаты рэспубліканскіх і міжнародных конкурсаў
Кацярына Булатоўская
Святлана Байдак
Антон Пракапцоў
Багдан Мішкінь
народны аматарскі ансамбль цымбалістаў “Беларусачка” Мінскага дзяржаўнага музычнага каледжа імя М.І.Глінкі
Кіраўнік – Таццяна Сушчэня
заслужаны аматарскі калектыў Рэспублікі Беларусь фальклорны ансамбль “Дударыкі”
Кіраўнік – Дзмітрый Равенскі
Рэжысёр - Вячаслаў Статкевіч
***
“Свой творчы юбілей адзначае вельмі таленавітая, адметная, яскравая артыстка-вакалістка, салістка заслужанага калектыву Рэспублікі Беларусь Беларускага дзяржаўнага ансамбля народнай музыкі “Свята” Беларускай дзяржаўнай філармоніі – Людміла Валер’еўна Кірыленка, яго старажыл. Прыгожае народнае сапрана Людмілы Кірыленка заўсёды кранае да глыбіні душы, зачароўвае самага патрабавальнага слухача ўжо два дзесяцігоддзі. Людмілін голас льецца бруіста – срэбным ручайком у ансамблі. Хацелася б каб яе самабытнасць, каларыт і творчы імпэт яшчэ на працягу многіх гадоў цешылі прыхільнікаў яе таленту!
24 красавіка адбудзецца юбілейны творчы вечар “Вясны маёй салаўіная песня” ў Беларускай дзяржаўнай філармоніі. 20 гадоў на сцэне – гэта не ўзрост, а ўзлёт і летапіс сямейнага жыцця, дзе прысутнічае падтрымка ў доме ад мужа Валянціна і двух сыноў Уладзіслава і Рамана. Гэта нялёгкі шлях ў мастацтве, дзе ансамбль “Свята” стаў для яе другім родным домам!
Засталося пажадаць здзяйснення ўсіх мар, каб жыццёвая сцяжынка вяла толькі да поспеху! Каб Людмілін запал энергіі і душэўнага здароўя набываў моц, каб шчасце, радасць і прыбытак ішлі заўсёды разам, каб народная песня акрыляла і наталяла, каб вясёлы настрой расцвітаў і квітнеў, як той Першамай!”
Мастацкі кіраўнік ансамбля “Свята” Вячаслаў Статкевіч
