Дадзеная публічная аферта (далей – “аферта”) ўяўляе сабой прапанову ўстановы “Беларуская дзяржаўная ордэна Працоўнага Чырвонага Сцяга філармонія”, якая іменуецца далей “Прадавец”, у асобе генеральнага дырэктара Пукіты Сяргея Аляксандравіча, які дзейнічае на падставе Статута, любой асобе, якая набывае праз сайт https://philharmonic.by уваходныя білеты на культурна-відовішчнае мерапрыемства, што праводзіцца Белдзяржфілармоніяй, якая іменуецца далей “Пакупнік”, аб заключэнні дагавора на ўмовах дадзенай аферты.

ТЭРМІНЫ І ІХ ВЫЗНАЧЭННІ.

1.1. Для мэтаў аферты выкарыстоўваюцца наступныя паняцці і іх вызначэнні:

Білет – электронны білет, даступны ў асабістым кабінеце на старонцы заказу пасля здзяйснення аплаты, які ў раздрукаваным выглядзе прадастаўляе права наведвання адпаведнага культурна-відовішчнага мерапрыемства.

Браніраванне – аўтаматызаваны тэхнічны працэс папярэдняга афармлення заказу на выбраныя білеты на Сайце з дапамогай Сайта-партнёра.

Сайт – афіцыйны сайт Прадаўца ў глабальнай камп’ютарнай сетцы Інтэрнэт, які знаходзіцца па адрасе: https://philharmonic.by.

Сайт-партнёр – сайт, размешчаны па адрасе https://tce.by, з дапамогай якога Пакупнік можа забраніраваць і набыць білеты на культурна-відовішчнае мерапрыемства, што праводзіцца Белдзяржфілармоніяй.

Аўтаматызаваныя сродкі – праграмнае забеспячэнне, скрыпты, макрасы, у тым ліку з выкарыстаннем тэхналогій штучнага інтэлекту, якія дазваляюць ажыццяўляць дзеянні на Сайце без непасрэднага ўдзелу чалавека.

Рэйтынг Пакупніка – аўтаматычна фарміруемая сістэма ацэнкі, якая ўлічвае гісторыю заказаў, своечасовасць аплаты, факты анулявання, вяртанні і іншыя аб’ектыўныя крытэрыі, вызначаныя Прадаўцом.

Нядобрасумленныя паводзіны – дзеянні Пакупніка, накіраваныя на атрыманне неабгрунтаваных пераваг, якія парушаюць прынцыпы добрасумленнасці і законныя інтарэсы Прадаўца, пералік якіх устаноўлены ў Главе 5 дадзенай аферты.

Верыфікацыя – працэдура пацверджання асобы Пакупніка з выкарыстаннем Міжбанкаўскай сістэмы ідэнтыфікацыі (МСІ).

Дынамічныя ліміты – індывідуальныя абмежаванні на колькасць заказаў, білетаў у заказе і тэрміны браніравання, якія ўсталёўваюцца ў залежнасці ад рэйтынгу Пакупніка і іншых фактараў.

ПАРАДАК ЗАКЛЮЧЭННЯ ДАГАВОРА.

2.1. Прадметам дагавора з’яўляецца браніраванне і набыццё білетаў на культурна-відовішчныя мерапрыемствы, што праводзяцца Белдзяржфілармоніяй, якія распаўсюджваюцца праз Сайт з дапамогай Сайта-партнёра. У аферце і ў дагаворы, што заключаецца, Прадавец і Пакупнік паасобку іменуюцца Бакамі, а разам – Бакі.

Парадак браніравання, вяртання білетаў, форма заявы аб вяртанні кошту білета вызначаны ў Правілах наведвання Белдзяржфілармоніі, якія з’яўляюцца неад’емнай часткай дагавора і размешчаны на Сайце.

2.2. Дагавор з’яўляецца дагаворам далучэння і заключаецца шляхам далучэння Пакупніка да прапанаваных Прадаўцом умоў, выкладзеных у аферце ў цэлым, без заўваг і дапаўненняў.

Фактам прыняцця (акцэпту) Пакупніком умоў аферты з’яўляецца рэгістрацыя Пакупніка ў якасці карыстальніка на Сайце-партнёры.

2.3. Дагавор пры ўмове захавання парадку яго акцэпту лічыцца заключаным у простай пісьмовай форме.

ПРАВЫ І АБАВЯЗКІ БАКОЎ.

3.1. Прадавец абавязаны:

3.1.1. прадаставіць дакладную інфармацыю аб культурна-відовішчным мерапрыемстве, што праводзіцца, на Сайце;

3.1.2. у выпадку адмены культурна-відовішчнага мерапрыемства, адмовы ад правядзення культурна-відовішчнага мерапрыемства, змены абвешчанага часу (тэрмінаў) і (або) месца правядзення культурна-відовішчнага мерапрыемства, яго замены іншым культурна-відовішчным мерапрыемствам, змены складу ўдзельнікаў паведаміць аб гэтым шляхам размяшчэння адпаведнай інфармацыі на Сайце, па месцы знаходжання Белдзяржфілармоніі;

3.1.3. забяспечыць вяртанне білетаў па ініцыятыве Пакупніка, пры змене абвешчанага часу (тэрміну) і (або) месца правядзення культурна-відовішчнага мерапрыемства, замене культурна-відовішчнага мерапрыемства іншым, змене складу ўдзельнікаў культурна-відовішчнага мерапрыемства, адмове ад правядзення культурна-відовішчнага мерапрыемства, адмене культурна-відовішчнага мерапрыемства ў парадку, прадугледжаным Правіламі наведвання Белдзяржфілармоніі;

3.1.4. не дапускаць прадастаўлення і (або) распаўсюджвання звестак, атрыманых у рамках выканання дагавора, без згоды Пакупніка або іншай прававой падставы, прадугледжанай заканадаўчымі актамі.

3.1.5. у выпадку спынення дзеяння рэгістрацыі ў якасці карыстальніка на Сайце-партнёры выдаліць персанальныя даныя Пакупніка, якія апрацоўваюцца Прадаўцом у рамках выканання дагавора.

3.2. Прадавец мае права:

3.2.1. уносіць змены ў дагавор шляхам публікацыі і давядзення да ўсеагульнага ведама на Сайце;

3.2.3. патрабаваць ад Пакупніка захавання і выканання дадзенага дагавора і Правілаў наведвання Белдзяржфілармоніі;

3.2.4. часова прыпыніць рэалізацыю білетаў праз Сайт, паведаміўшы аб гэтым Пакупніка шляхам размяшчэння інфармацыі на Сайце;

3.2.5. у любы час абмежаваць колькасць білетаў і тэрміны заказу, што набываюцца праз Сайт, якія перавышаюць дазволенае;

3.2.6. прыпыніць дзеянне рэгістрацыі Пакупніка за сістэматычную неаплату забраніраваных білетаў;

3.2.7. ужываць меры адказнасці да Пакупніка ў выпадку выяўлення нядобрасумленных паводзін у парадку, устаноўленым Главою 6 дадзенай аферты.

3.3. Пакупнік абавязаны:

3.3.1. захоўваць умовы дагавора і Правілы наведвання Белдзяржфілармоніі;

3.3.2. да моманту рэгістрацыі азнаёміцца са зместам дагавора і Правіламі наведвання Белдзяржфілармоніі;

3.3.3. паведамляць дакладную і адпаведную рэчаіснасці інфармацыю аб сабе, запаўняючы форму рэгістрацыі на Сайце-партнёры, і падтрымліваць яе ў актуальным стане;

3.3.4. захоўваць рэквізіты доступу (пароль і логін) да Сайта-партнёра такім чынам, каб яны не патрапілі ў рукі трэціх асоб, за выключэннем выпадкаў, калі Пакупнік упаўнаважвае трэціх асоб прадстаўляць яго інтарэсы;

3.3.5. самастойна і за свой кошт ажыццявіць друк білета, які прад’яўляецца пры ўваходзе на культурна-відовішчнае мерапрыемства.

3.4. Пакупнік мае права:

3.4.1. на атрыманне поўнай і дакладнай інфармацыі аб культурна-відовішчным мерапрыемстве, што праводзіцца;

4.4.2. аформіць заказ на білет у парадку, прадугледжаным дадзеным дагаворам, і працэдурай, якая ўстаноўлена Сайтам-партнёрам;

3.4.3. выбраць спосаб аплаты білета з прапанаваных Прадаўцом. Пры гэтым Пакупнік абавязаны самастойна азнаёміцца з правіламі карыстання тым ці іншым спосабам аплаты;

3.4.4. вярнуць білет па ўласнай ініцыятыве, пры змене абвешчанага часу (тэрміну) і (або) месца правядзення культурна-відовішчнага мерапрыемства, замене культурна-відовішчнага мерапрыемства іншым, змене складу ўдзельнікаў культурна-відовішчнага мерапрыемства, адмове ад правядзення культурна-відовішчнага мерапрыемства, адмене культурна-відовішчнага мерапрыемства ў парадку, прадугледжаным Правіламі наведвання Белдзяржфілармоніі.

3.4.5. спыніць дзеянне рэгістрацыі ў якасці карыстальніка на Сайце-партнёры.

АДКАЗНАСЦЬ БАКОЎ.

4.1. За невыкананне або неналежнае выкананне абавязацельстваў па дагаворы Бакі нясуць адказнасць у адпаведнасці з дагаворам і заканадаўствам Рэспублікі Беларусь.

4.2. Прадавец не нясе адказнасці за працаздольнасць і (або) абароненасць інфармацыйных каналаў сувязі, якія выкарыстоўваюцца Пакупніком для звароту да Сайта і (або) Сайта-партнёра, а таксама за дакладнасць інфармацыі, якая прадастаўляецца Пакупніком пры запаўненні формы рэгістрацыі на Сайце-партнёры.

4.3. Прадавец абавязаны забяспечыць канфідэнцыяльнасць і захаванасць персанальных даных Пакупніка, якія сталі яму вядомымі пры выкананні абавязацельстваў па дагаворы.

4.4. Бакі вызваляюцца ад адказнасці за частковае або поўнае невыкананне абавязацельстваў па дагаворы, калі гэта невыкананне выклікана абставінамі неадольнай сілы (паводка, пажар, землятрус і іншыя стыхійныя бедствы, а таксама вайна, ваенныя дзеянні, ваеннае становішча, масавыя беспарадкі, тэрарыстычныя акты, эпідэміі, акты і (або) дзеянні дзяржаўных органаў і органаў кіравання, якія пацягнулі немагчымасць выканання дагавора, і любыя іншыя абставіны па-за разумным кантролем і прагназаваннем Бакоў), якія маюць следствам абмежаванне (выключэнне) здольнасці Бакоў выканаць абавязацельствы па дадзеным дагаворы.

ПАРУШЭННІ (НЯДОБРАСУМЛЕННЫЯ ПАВОДЗІНЫ).

5.1. Да нядобрасумленных паводзін, якія цягнуць прымяненне мер адказнасці ў адпаведнасці з Главою 6, адносяцца:

5.1.1. выкарыстанне Аўтаматызаваных сродкаў пры ўзаемадзеянні з Сайтам і Сайтам-партнёрам;

5.1.2. стварэнне штучнага дэфіцыту шляхам масавага браніравання без намеру выкупу;

5.1.3. перапродаж білетаў трэцім асобам у камерцыйных мэтах (спекуляцыя);

5.1.4. рэгістрацыя дзвюх і больш уліковых запісаў адной фізічнай асобай з мэтай абыходу абмежаванняў (мультыакаўнтынг);

5.1.5. сістэматычная неаплата забраніраваных білетаў;

5.1.6. прадастаўленне заведама недакладных даных пры рэгістрацыі;

5.1.7. перадача білетаў трэцяй асобе з парушэннем устаноўленага Прадаўцом парадку (самастойная перадача або іншая перадача ў абыход афіцыйных каналаў вяртання);

МЕРЫ АДКАЗНАСЦІ.

6.1. Пры выяўленні фактаў нядобрасумленных паводзін, указаных у Главе 5, Прадавец мае права ўжываць наступныя меры:

• папярэджанне;
• абмежаванне функцыяналу (зніжэнне лімітаў);
• прыпыненне браніравання на тэрмін да 14 дзён;
• адмену бягучых неаплачаных заказаў без папярэдняга паведамлення;
• блакіроўку ўліковага запісу на тэрмін да 6 месяцаў або беззваротна;
• аб’яднанне ўліковых запісаў (пры выяўленні мультыакаўнтынгу);
• іншыя абмежаванні, неабходныя для спынення парушэнняў і забеспячэння захавання ўмоў аферты.

6.2. Меры, указаныя ў п. 6.1, прымяняюцца без папярэдняга паведамлення Пакупніка, за выключэннем выпадкаў, калі іншае прама прадугледжана дадзенай афертай.

6.3. Асаблівасці прымянення мер:

6.3.1. Пры выяўленні выкарыстання Аўтаматызаваных сродкаў або мультыакаўнтынгу (п.п. 5.1.1, 5.1.4) Прадавец мае права адмяніць бягучыя неаплачаныя заказы без папярэдняга паведамлення;

6.3.2. Пры выяўленні перапродажу білетаў (п. 5.1.3) Прадавец мае права ўжыць любыя меры з п. 6.1, уключаючы беззваротную блакіроўку ўліковага запісу;

6.3.3. Пры парушэнні парадку перадачы білетаў Прадавец мае права ўжыць меры ў адпаведнасці з п. 6.1.

ТЭХНІЧНЫЯ СРОДКІ І ДОКАЗЫ.

7.1. Сайт-партнёр ужывае прэвентыўныя меры для мінімізацыі магчымасці аўтаматызацыі дзеянняў з боку нядобрасумленных карыстальнікаў.

7.2. Меры, указаныя ў п. 7.1, уключаюць блакіроўку запытаў з пэўных IP-адрасоў пры выяўленні падазроных паводзін, у тым ліку пры занадта частых запытах. Механізмы аналізу, алгарытмы выяўлення падазронай актыўнасці і крытэрыі блакіроўкі з’яўляюцца камерцыйнай таямніцай і не раскрываюцца. Прадавец не прадастаўляе Пакупніку тлумачэнняў адносна прычын блакіроўкі канкрэтнага IP-адраса або механізмаў прыняцця рашэння аб прымяненні такой блакіроўкі.

7.3. Прадавец мае права фіксаваць факты размяшчэння Пакупніком аб’яў аб продажы білетаў на старонніх рэсурсах, а таксама іншыя доказы платнай перадачы білетаў трэцім асобам для выкарыстання ў якасці падстаў для прымянення адказнасці ў адпаведнасці з Главою 6.

РЭЙТЫНГАВАЯ СІСТЭМА І ДЫНАМІЧНЫЯ ЛІМІТЫ.

8.1. Сайт-партнёр ужывае Рэйтынгавую сістэму, якая фарміруецца аўтаматычна на падставе аналізу гісторыі ўзаемадзеяння.

8.2. Рэйтынг зніжаецца пры неаплаце ў ўстаноўлены тэрмін, адмовах ад выкупу, вяртаннях білетаў, выяўленні фактаў нядобрасумленных паводзін, прадугледжаных Главою 5.

8.3. Рэйтынг уплывае на колькасць адначасова дзеючых неаплачаных заказаў.

8.4. Прадавец мае права ўстанаўліваць Дынамічныя ліміты: колькасць білетаў у заказе, тэрмін браніравання, забарону на браніраванне асобных мерапрыемстваў.

8.5. Парадак фарміравання рэйтынгу з’яўляецца камерцыйнай таямніцай. Пакупнік можа азнаёміцца з бягучым рэйтынгам у сваім Асабістым кабінеце карыстальніка на Сайце-партнёры.

АБАВЯЗКОВАЯ ВЕРЫФІКАЦЫЯ.

9.1. Прадавец мае права ўстанаўліваць абавязковую Верыфікацыю для доступу да браніравання білетаў на мерапрыемствы.

9.2. Да праходжання Верыфікацыі доступ да браніравання можа быць абмежаваны. Праходжанне Верыфікацыі з’яўляецца ўмовай прадастаўлення паслугі, а не самастойнай паслугай.

9.3. Апрацоўка персанальных даных ажыццяўляецца са згоды Пакупніка ў адпаведнасці з Палітыкай апрацоўкі персанальных даных.

ПЕРАПРОДАЖ І ПЕРАДАЧА БІЛЕТАЎ.

10.1. Пакупнік не мае права набываць білеты з мэтай перапродажу ў камерцыйных мэтах.

10.2. Перадача білета трэцяй асобе дапускаецца выключна ў парадку, устаноўленым Прадаўцом (праз афіцыйныя каналы вяртання і паўторнага продажу). Самастойная перадача білета трэцяй асобе, якая вядзе да разыходжання даных уладальніка білета і пакупніка, з’яўляецца парушэннем дадзенай аферты і цягне прымяненне мер адказнасці ў адпаведнасці з Главою 6.

МУЛЬТЫАКАЎНТЫНГ.

11.1. Забараняецца рэгістрацыя дзвюх і больш уліковых запісаў адной фізічнай асобай без пісьмовага ўзгаднення з Прадаўцом.

11.2. Пры выяўленні мультыакаўнтынгу Прадавец мае права ўжыць меры адказнасці ў адпаведнасці з Главою 6.

ПАРАДАК АБСКАРЖАННЯ.

12.1. Пакупнік мае права абскардзіць ужытыя меры шляхам накіравання Прадаўцу матываванай прэтэнзіі ў тэрмін не пазней за 10 дзён.

12.2. Прэтэнзія разглядаецца на працягу 14 (чатырнаццаці) каляндарных дзён. У перыяд разгляду абмежаванні могуць заставацца ў сіле.

12.3. Рашэнне з’яўляецца канчатковым, за выключэннем выпадкаў парушэння правоў спажыўца, устаноўленых заканадаўствам.

ВЫЗВАЛЕННЕ АД АДКАЗНАСЦІ.

13.1. Прадавец не нясе адказнасці за немагчымасць набыцця білетаў, выкліканую прымяненнем Дынамічных лімітаў, патрабаваннем Верыфікацыі або іншымі ўжытымі абмежаваннямі да ўліковага запісу ў адпаведнасці з дадзеным дагаворам.

ЗАКЛЮЧНЫЯ ПАЛАЖЭННІ.

14.1. Дадзены дагавор уступае ў сілу з даты яго размяшчэння на Сайце.

14.2. Дадзены дагавор лічыцца заключаным з моманту рэгістрацыі ў якасці карыстальніка на Сайце-партнёры і дзейнічае да поўнага выканання абавязацельстваў Бакамі.

14.3. Споры, якія ўзнікаюць пры выкананні дагавора, вырашаюцца з захаваннем прэтэнзійнага парадку. Тэрмін разгляду прэтэнзіі 14 (чатырнаццаць) каляндарных дзён.

14.4. Пры немагчымасці дасягнення згоды ўзніклыя споры падлягаюць разгляду ў судзе ў адпаведнасці з заканадаўствам Рэспублікі Беларусь.

РЭКВІЗІТЫ ВЫКАНАЎЦЫ

Установа “Беларуская дзяржаўная ордэна Працоўнага Чырвонага Сцяга філармонія”, 220005, г. Мінск, пр. Незалежнасці, 50 УНП 100296574 e-mail: kancel@bgf.by