Новая праграма цыкла канцэртаў “Музычныя вечары на Акадэмічнай”!
“ПОДЫХ ВЯКОЎ” – гэта неверагоднае падарожжа ў музычную гісторыю Беларусі, унікальная магчымасць паглыблення ў атмасферу далёкіх часоў.
Разам з Дзяржаўным камерным хорам Беларусі мы завітаем да каралеўскага двара Сігізмунда ІІІ Вазы, у капэлу Міхала Клеафаса Агінскага і сядзібу Антонія Генрыка Радзівіла.
Калектыў выканае старадаўнія беларускія канты, музыку рэнесанса (Вацлаў з Шамотул, Ян Брант), рыфматворны псалтыр Сімяона Полацкага, мініяцюры Міхала Клеафаса Агінскага і Яна Карловіча, а таксама творы з Берасцейскага канцыянала – першага ўзору нотадрукавання ў Беларусі.
Інструментальная музыка нашага краю будзе прадстаўлена асобнымі танцамі з Віленскага сшытка, п’есамі Дыямеда Като і Валянціна Бакфарка.
Мастацкі кіраўнік і дырыжор – заслужаная артыстка Беларусі Наталля МІХАЙЛАВА.
У канцэрце бярэ ўдзел лаўраэт міжнародных конкурсаў Дар’ян Шахаб (гітара).
26 верасня, пачатак канцэрта – 18:30, Дзяржаўны літаратурна-мемарыяльны музей Я.Коласа (вул.Акадэмічная, 5).
Перад канцэртам для жадаючых будзе арганізавана экскурсія па музею, пачатак у 18:00
Квіткі магчыма набыць у касе музея ці праз “ЕРИП”, кошт – 20 рублёў (Сістэма “Разлік” – Турызм і адпачынак – Экскурсіі, славутасці – Музей Якуба Коласа – Вечар на Акадэмічнай – 20 рублёў).
6+
Падчас канцэрта працуе кніжная крама “Акадэмкніга”.
