КАНЦЭРТ-ПРЭЗЕНТАЦЫЯ ДА 255-ГОДДЗЯ М.К.АГІНСКАГА
заслужаны калектыў Рэспублікі Беларусь
Дзяржаўны камерны хор Рэспублікі Беларусь
Мастацкі кіраўнік –
заслужаная артыстка Рэспублікі Беларусь
Наталля Міхайлава
У канцэрце бяруць удзел:
саліст Нацыянальнага акадэмічнага Вялікага тэатра оперы і балета Рэспублікі Беларусь
Андрэй Мацюшонак тэнар
струнны ансамбль “Амелія” Маладзечанскага дзяржаўнага музычнага каледжа імя М.К.Агінскага:
Валерыя Маліноўская мастацкі кіраўнік, скрыпка
Маргарыта Бохан скрыпка
Юлія Чараповіч альт
Дар’я Францкевіч віяланчэль
Валянціна Сцяпанава кантрабас
«25 верасня а 19-й гадзіне на сцэне Малой залы імя Р.Шырмы Беларускай дзяржаўнай філармоніі адбудзецца канцэрт, прысвечаны 255-годдзю выдатнага кампазітара, дыпламата, палітычнага і грамадскага дзеяча Міхала Клеафаса Агінскага.
У выкананні заслужанага калектыву Дзяржаўнага камернага хору Рэспублікі Беларусь і квінтэта “Амелія” Маладзечанскага дзяржаўнага музычнага каледжа імя М.К.Агінскага прагучаць музычныя творы таленавітых прадстаўнікоў дынастыі Агінскіх, знакамітых дзеячаў беларускай, польскай і літоўскай культуры Станіслава Манюшкі і Яна Карловіча, прадстаўніка севера-нямецкага барока Дзітрыха Букстэхудэ і інш.
Падчас імпрэзы адбудзецца прэзентацыя альбома “Адраджэнне і вяртанне. Да 255-годдзя з дня нараджэння М.К.Агінскага”, падрыхтаванага Нацыянальным гістарычным музеем Рэспублікі Беларусь, філіялам “Музей гісторыі тэатральнай і музычнай культуры”, Маладзечанскім дзяржаўным музычным каледжам імя М.К.Агінскага, Дабрачынным фондам г. Маладзечна “Спадчына Міхала Клеафаса Агінскага»
Інфармацыя пададзена рэдактарскім аддзелам Дзяржаўнага камернага хору Рэспублікі Беларусь
