ДЖАЗ ДЛЯ ДЗЯЦЕЙ: “КАЗКІ НАРОДАЎ СВЕТУ”
27 лістапада 2022 года мы прэзентуем вашай увазе праграму “Казкі народаў свету”, якая з’яднала музычныя творы, напісаныя па матывах дзіцячых кніг.
Мы выбралі 12 казачных гісторый з розных рэгіёнаў свету: іх героі ўсім вядомыя, а сюжэты выклікаюць водгук як у дзяцей, гэтак і ў іх бацькоў. А яшчэ мы выбралі 12 музычных твораў, напісаных аўтарамі тых жа краін, што і казачныя гісторыі.
Пра кожны музычны твор і казку мы раскажам вам цікавыя, але не вельмі вядомыя факты. Будзе пазнавальна, музычна і літаратурна! Прыходзьце, будзем вам вельмі рады!
***
“Джаз для дзяцей” – гэта:
– штомесячныя аўтарскія джазавыя канцэрты для дзяцей і іх бацькоў на сцэне Беларускай дзяржаўнай філармоніі;
– кожны канцэрт у рамках праекта “Джаз для дзяцей” – гэта тэматычная праграма, складзеная з вядомых класічных і джазавых твораў у аўтарскіх аранжаваннях, зробленых спецыяльна для маленькіх слухачоў прафесійным джазавым калектывам Беларусі – VIP Jazz Андрэя Славінскага;
– тэматыка кожнага канцэрта злучана з дзіцячай літаратурай: мы расказваем аб кнігах з дапамогай музыкі;
– “kid friendly-атмасфера”: мы рады бачыць слухачоў кожнага ўзросту, нават самых маленькіх!
