Білетная каса:

+375 17 396-16-17

Замаўленне квіткоў
Год качества

Юхнова Кацярына (цымбалы)

Исполнители

Кацярына Юхнова – выпускніца Магілёўскага дзяржаўнага музычнага каледжа імя М.А.Рымскага-Корсакава 2013 года. У 2018 годзе скончыла Беларускую дзяржаўную акадэмію музыкі па спецыяльнасці цымбалы (клас педагога В.А.Прадзед). У 2019 г. скончыла магістратуру пры БДАМ.

Лаўрэат шматлікіх прэстыжных міжнародных і нацыянальных конкурсаў і фестываляў:

  • дыпламант Рэспубліканскага фестывалю «Сярэбраны звон цымбалаў» (2005г., 2007г., 2010г.);
  • лаўрэат Рэспубліканскага конкурсу выканаўцаў на народных інструментах імя. І.І. Жыновіча (2007г., 2009г. - 2 прэмія);
  • лаўрэат Рэспубліканскага фестывалю-конкурсу выканаўцаў на цымбалах «Перазвоны» (2008г. - 1 прэмія);
  • лаўрэат Міжнароднага фестывалю-конкурсу выканаўцаў на шматструнных народных інструментах у г.Псков (2011г. - 1 прэмія);
  • лаўрэат Міжнароднага музычнага конкурсу «Сіняя птушка» ў г.Сімферопаль (2013г. - 1 прэмія);
  • лаўрэат міжнароднага конкурсу выканаўцаў на шматструнных бязгрыфавых інструментах ў г.Пушкіно (Расія, 2014г. - 1 прэмія);
  • лаўрэат XIII Міжнароднага конкурсу выканаўцаў на цымбалах сола ў г.Валашске-Мезіржычы (Чэхія, 2015г. - 1 прэмія);
  • дыпламант XXII Міжнароднага музычнага конкурсу Гаэтана Зінэцці (Італія, 2017г., дыплом фіналіста).

Стыпендыят спецыяльнага фонду Прэзідэнта Рэспублікі Беларусь па падтрымцы таленавітай моладзі 2009г., 2012г., 2013г. і 2015г.

Кацярына Юхнова – чулы, ўдумлівы музыкант. Пастаянна працуе над павышэннем свайго прафесійнага майстэрства. Яе выканальніцкай манеры ўласціва спалучэнне строгага акадэмізму і віртуознага бляску.

У рэпертуары цымбалісткі – сачыненні замежных і беларускіх аўтараў, музычныя творы розных эпох, стыляў і жанраў.

На пасадзе артыста-саліста-інструменталіста Белдзяржфілармоніі працуе з 2017 года. Вядзе актыўную канцэртную дзейнасць.

Выступае ў складзе розных творчых груп артыстаў Філармоніі для дзяцей і юнацтва пад кіраўніцтвам музыказнаўцаў В.А. Пяцько, Л.В. Сыцько, М.В. Тулінавай. Выконвае сольныя і дуэтныя партыі ў музычна-адукацыйных праграмах для дзіцяча-юнацкай аўдыторыі «Незнаёмыя казуркі ці Казка пра тое, як маленькі Букашык шукаў сабе прафесію», «Бывайце здаровы», «Урок ветлівасці», «Падарожжа ў краіну Музыка», «Падарожжа па беларускіх народных святах»,« Музычная кругасветка »і інш. у навучальных установах г.Мінска і Мінскай вобласці.

Кацярына Юхнова паспяхова прадстаўляе аўтарскія сольныя канцэртныя праграмы. У снежні 2018г. ў Малой зале імя Р.Шырмы Белдзяржфілармоніі адбылася аўтарская канцэртная праграма Кацярыны Юхновай «Зліццё вобразаў», у якой выканаўца на высокім прафесійным узроўні выступіла як з сольнымі музычнымі нумарамі, так і ў складзе інструментальнага трыа.

З вялікім поспехам Кацярына Юхнова выступае ў дуэце «Край сонца» з баяністам Філармоніі для дзяцей і юнацтва Яўгенам Курыльчыкам на многіх сцэнічных пляцоўках як у Беларусі, так і за мяжой. У красавіку 2018г. у складзе інструментальнага дуэта Кацярына Юхнова атрымала званне лаўрэата на Міжнародным конкурсе-фестывалі «Нарвская вясна» у намінацыі «Камерныя інструментальныя ансамблі» (г.Таллін, Эстонія).

Вядзе актыўную гастрольную дзейнасць.