5 лютага 2023 года ў 15:00 у рамках праекта “Джаз для дзяцей” мы прэзентуем вашай увазе праграму “ГАЛОЎНЫЯ СВЯТЫ СВЕТУ”.
Для святочнай праграмы мы выбралі 10 самых яркіх музычных тэм, якія ў нас асацыююцца з самымі галоўнымі міжнароднымі святамі!
Вядома, мы раскажам вам пра гэтыя музычныя творы і святы цікавыя, але не вельмі вядомыя факты. Будзе пазнавальна, музычна і літаратурна!
***
“Джаз для дзяцей” – гэта:
– штомесячныя аўтарскія джазавыя канцэрты для дзяцей і іх бацькоў на сцэне Беларускай дзяржаўнай філармоніі;
– кожны канцэрт у рамках праекта “Джаз для дзяцей” – гэта тэматычная праграма, складзеная з вядомых класічных і джазавых твораў у аўтарскіх аранжаваннях, зробленых спецыяльна для маленькіх слухачоў прафесійным джазавым калектывам Беларусі – VIP Jazz Андрэя Славінскага;
– тэматыка кожнага канцэрта злучана з дзіцячай літаратурай: мы расказваем аб кнігах з дапамогай музыкі;
– “kid friendly-атмасфера”: мы рады бачыць слухачоў кожнага ўзросту, нават самых маленькіх!
