Білетная каса:

+375 17 331-16-17

Замаўленне квіткоў

Дзяржаўны камерны хор запрашае: Вячэрнія канцэрты арганнай і вакальнай музыкі

Дата: 25.11.2017 пачатак у 20:00
Катэгорыя: Арган

Вячэрнія канцэрты Дзяржаўнага камернага хору Рэспублікі Беларусь ў Чырвоным касцёле – гэта заўсёды выдатныя музычныя падзеі. Праграмы канцэртаў прызначаны ўсім аматарам музычнага мастацтва. Урачыстае і ўзнеслае гучанне чалавечага голасу і “караля інструментаў” аргана ў асобай акустыцы касцёла ніколі не пакідае абыякавымі слухачоў, находзячы шлях да кожнай душы.

25 лістапада а 20-й гадзіне Дзяржаўны камерны хор пачынае традыцыйныя канцэрты новай програмай арганнай і вакальнай музыкі, у якой прагучаць шадэўры сусветнага музычнага мастацтва.

Акрамя твораў для аргана-сола ўпершыню публіцы будзе прадстаўлена музыка для арганнага дуэта ў выкананні Варвары Царук і Юры Габруся.

Салісты хору Арына Аляксеева (сапрана), Кацярына Крашчук (меца-сапрана), Дзяніса Іваноў (барытон), а таксама мастацкі кіраўнік і дырыжор хору Наталля Міхайлава (сапрана) выканаюць найбольш знакамітыя арыі і вакальныя ансамблі ў суправаджэнні аргана.

Прыемным падарункам слухачам стане прэм’ернае выкананне ў чырвоным касцёле твораў для віяланчэлі і аргана, а таксама валторны з арганам (Паліна Фарасцяная – віяланчэль, Іван Фарасцяный – валторна, Варвара Царук – арган).

У праграме: творы Л.Бетховена, Дж.Пергалезі, Г.Ф.Генделя, І. Пахельбеля, Дж.Расіні.

Мастацкі кіраўнік– заслужаная артыстка Рэспублікі Беларусь Наталля Міхайлава.

Арына Аляксеева валодае цудоўным лірычным сапрана. Мяккі тэмбр і шырокі дыяпазон дазваляюць ёй выконваць творы ва ўсіх жанрах – ад духоўнай музыкі да джазу.

Кацярына Крашчук уладальніца дужага, насычанага мецца-сапрана. Яе спеў вылучаецца мяккасцю, эмацыянальнасцю і пранікнённасцю.

Дзяніс Іваноў валодае барытонам з шырокім дыяпазонам і мяккім тэмбрам, выдатна развітым пачуццём ансамбля і рытму. Тонкі слых, выдатны артыстызм і выбітныя вакальныя дадзеныя дазваляюць яму з лёгкасцю спраўляцца з самымі складанымі вакальнымі партыямі.

Юры Габрусь (арган) навучаўся ў Акадэміі музыкі і драмы Гётеборгскага ўніверсітэту ў знакамітага арганіста і даследчыка д-ра Дж. Спеерстры (арган) і д-ра Ё. Ландгрэна (імправізацыя). Удзельнік міжнародных конкурсаў і майстаркласаў. Сярод яго настаўнікаў такія знакамітыя выканаўцы як Т. Копман (Нідэрланды) і Х. Фогель (Германія).

Варвара Царук (арган) навучаецца ў Беларускай дзяржаўнай акадэміі музыкі ў класе аргану дацэнта, кандыдата мастацтвазнаўства Ўл.В. Неўдаха, прымала ўдзел у майстаркласах, Акадэміі старадаўняй музыкі ў Аўстрыі, ІІ Арганных асамблеях у Латвіі, Міжнародный арганай акадэміі ў Германіі.

Скончыла Беларускую дзяржаўную акадэмію музыкі па спецыяльнасці “Музыказнаўства”.

Паліна Фарасцяная (віяланчэль) скончыла Расійскую акадэмію музыкі імя Гнесіных (г. Масква) па класу віяланчэлі і магістратуру Беларускай дзяржаўнай акадэміі музыкі.

Іван Фарасцяный (валторна) навучаўся ў Маскоўскім дзяржаўным музычным інстітуце імя А.Г. Шнітке па класу валторны, а затым магістратуру Беларускай дзяржаўнай акадэміі музыкі.

Квіткі можна набыць у касах філармоніі і непасрэдна ў касцёле перад пачаткам канцэрту. Кошт – 5 рублёў.

1. Г.Ф. Гендэль Сюіта для валторны і аргана

2. Дж.Б. Пергалезі “Stabat mater: Duett”

3. Д. Ляйдынг Прэлюдыя для аргана C-dur

4. А. Кальдара “Sebben crudele”

5. Дж.Б. Пергалезі “Stabat mater: Aria”

6. Л. Бетховен “Adagio для флейтовага гадзінніка” (арганны дуэт)

7. І.С. Бах Прэлюдыя для аргана c-moll

8. C. Манюшка “Domine, ne in furore Duo”

9. І.С. Бах Трыасаната для віяланчэлі і аргана d-moll: 1 ч.

10. Г. Меркель Саната для арганнага дуэта №1 d-moll: 2 ч.

11. Дж. Расіні Маленька святочная меса: Qui tollis

12. С. Франк дуэт Panis angelicus

Дзяржаўны камерны хор запрашае: Вячэрнія канцэрты арганнай і вакальнай музыкі