Білетная каса:

+375 17 396-16-17

Замаўленне квіткоў
Год качества

“Французскі бульвар”

Дата: 15.11.2023 пачатак у 19:00
Катэгорыя: Папулярная музыка

“ФРАНЦУЗСКІ БУЛЬВАР

Прыхільнікаў французскага музычнага стылю на канцэртную праграму “Французскі бульвар” 11 лістапада запрашае цудоўная салістка – Вольга Калеснікава. У канцэрце – самыя папулярныя французскія хіты ўсіх часоў, залатыя шлягеры Шарля Азнавура і Джо Дасэна, Эдзіт Піяф і Мірэй Мацьё, Даліды і Лары Фабіян, на якіх вырасла не адно пакаленне слухачоў.

Тэатральнае дзейства маналогамі суправаджае Ала Проліч – узрушальна глыбокая, псіхалагічна тонкая актрыса, заслужаная артыстка Рэспублікі Беларусь.

Вольга Калеснікава – аўтар ідэі тэатралізаванага канцэрта “Французскі бульвар”, салістка Маладзёжнага тэатра эстрады, пераможца тэлевізійнага песеннага конкурсу маладых выканаўцаў “АТЛАНТЫК БРЫЗ” (Маямі, штат Фларыда), пераможца песеннага конкурсу ў Юрмале і інш. Сваю творчасць яна пазіцыянуе, як “Тэатр без словаў”.

У канцэрце бярэ ўдзел саліст Нацыянальнага акадэмічнага народнага аркестра Рэспублікі Беларусь імя І.Жыновіча, лаўрэат міжнародных конкурсаў Ігар Задарожны.

Прагуляйцеся разам з намі па “Французскім бульвары”! Адчуйце дыханне Манмартра і непаўторную атмасферу Елісейскіх палёў!

Рэжысёр тэатралізаванага канцэрта – Арцём Еўсіевіч.

«Французский бульвар»