К 125-летию со дня рождения Максима Богдановича: Лариса Симакович - мюзикл "Aпокриф"

К 125-летию со дня рождения Максима Богдановича

Л.Симакович - мюзикл "Aпокриф"

Национальный академический народный оркестр Республики Беларусь им.И.Жиновича

Художественный руководитель и главный дирижер -народный артист Беларуси Михаил Козинец

Солисты - Ян Женчак

Игорь Задорожный

Диана Трифонова
Олег Жуков

Владислав Данилович

У год 125-годдзя паэта Максіма Багдановіча 10 снежня 2016 года на сцэне Беларускай дзяржаўнай філармоніі адбудзецца паказ мюзікла-прыпавесці "АПОКРЫФ" беларускага кампазітара Ларысы СІМАКОВІЧ .

"АПОКРЫФ" – некананічная біблейская легенда. У М.Багдановіча гэта зварот-разважанне пра сутнасць і сэнс чалавечага існавання, пра немагчымасць жыцця без духоўнага здбытку.

...Прарокі з'яуляюцца на зямлі тады, калі людзі забываюцца на свае каштоўнасці. Адмераны ход жыцця, дзе матэрыяльнае перамагае духоўнае, парушаецца сыходам Хрыста з апосталамі на абраную імі зямлю.

Апосталы Пётра i Юр'я суправаджаюць Хрыста і прыносяць зерне новага мыслення: "Нашто тыя каласы, калі няма васількоў? ...Няма красы без спажытку, бо сама краса і ёсць той спажытак дзеля душы".

МузЫка - цэнтральны персанаж мюзікла, яго паэтычная дамінанта ўвасабляе нацыянальную духоўную праграму, якую носіць у сабе кожная таленавітая душа. Абвостранае светаадчуванне, чуйная душа МузЫкі не дае загінуць гэтаму народу. Народ кемлівы, працавіты, шчодры і наіўны - не заўважае ні свайго хараства, ні сыходу прарокаў.

Хрыстос у спектаклі не мае візуальнага аблічча. Яго прысутнасць праяўляецца праз магутныя харавыя ўнісоны, гімны, звароты. Голас Хрыста з незямных вышынь сыходзіць да свайго народа...

"АПОКРЫФ" загучаў. Стаў музыкай. Загучалі пякучыя і пранізлівыя словы Максіма Багдановіча: "Хрыстос ізноў сышоў на зямлю, каб споўнілася тое, аб чым казалі прарокі...".

Мюзікл Ларысы СІМАКОВІЧ прагучыць у выкананні Нацыянальнага акадэмічнага народнага аркестра Беларусі імя І. Жыновіча пад кіраўніцтвам народнага артыста Беларусі Міхаіла Казінца, Дзяржаўнага камернага хора Беларусі пад кіраўніцтвам Наталлі Міхайлавай, фальклорнага гурта ў складзе Аляксандры Грахоўскай, Святланы Яфімавай і Таццяны Пладуновай.

Салісты – Ян Жанчак, Дыяна Трыфанава, Ігар Задарожны, Аляксандр Ляпуноў, Уладзіслаў Даніловіч.