– “Беларуская рапсодыя”
– “Мушкецёры”
– “Святочная паэма”
– “Палеская сюіта” (“Дудары” і “Танец”)
– Адажыа з балета “Маленькі прынц”
– Лірычная мелодыя
– Канцэрціна для цымбалаў з аркестрам
– “Клаўнада” з музыкі да к/ф “Траянскі конь”
– “Гумарэска” для балалайкі з аркестрам
– “Лявоніха”
– “Перапёлачка”
– Уверцюра з музыкі да к/ф “Апошняе лета дзяцінства”
– песні “Дом мой – сталіца”, “Парус”, “Залатая восень” і іншыя творы
Да 95-годдзя з дня нараджэння кампазітара Яўгена Глебава
“МЕЛОДЫІ ЛЁСУ”
Нацыянальны акадэмічны народны аркестр Рэспублікі Беларусь імя І.І.Жыновіча
Галоўны дырыжор – заслужаны артыст Рэспублікі Беларусь
Аляксандр Крамко
Ігар Задарожны
Наталля Брацлоўская
Анастасія Рачыцкая
Ганна Янкоўская
Дзмітрый Стрэж (балалайка)
Алена Касціцына (цымбалы)
Дырыжор, аўтар аранжаванняў – Аляксандр Крамко
Вядоўца – Вольга Брылон
***
Яго музыка стала сімвалам эпохі 1960-х гадоў. У той час Яўген Глебаў быў самым вядомым беларускім кампазітарам у СССР. Яго творы гучалі ў кіно і на эстрадзе, з падмосткаў акадэмічных тэатраў і цыркавых арэн. І ў наступныя дзесяцігоддзі мелодыі кампазітара знаходзілі шырокі водгук у сэрцах мільёнаў людзей. Ён – аўтар музыкі да такіх вядомых кінафільмаў, як “Першыя выпрабаванні” (1960), “Каханая” (1965), “Саша-Сашанька” (1966), “Апошняе лета дзяцінства” (1974), “Мінулагодняя кадрыль” (1978), “Дзікае паляванне караля Стаха” (1979) і многім іншым мастацкім, дакументальным і анімацыйным стужкам. Яго песні “Дом мой – сталіца”, “Белы ветразь”, “Залатая восень”, “Хоча малыш”, “Летняя навальніца”, а таксама інструментальныя п’есы “Мушкецёры”, “Клаўнада”, Адажыо з балета “Маленькі прынц” сталі класікай беларускай музыкі ХХ стагоддзя.
6 лістапада 2024 года Нацыянальны акадэмічны народны аркестр Беларусі імя І.Жыновіча канцэртам “Мелодыі лёсу Яўгена Глебава” адзначыць 95-годдзе з дня нараджэння гэтага выдатнага кампазітара. Ён супрацоўнічаў з аркестрам імя І.Жыновіча на прагягу ўсяго свайго творчага шляху, а гэта – амаль паўстагоддзя! Бо менавіта першы кіраўнік аркестра, дырыжор і кампазітар Іосіф Жыновіч напачатку 1950-х гадоў упершыню адкрыў імя Яўгена Глебава для Беларусі, заўважыў і падтрымаў таленавітага юнака, даў яму дарогу ў прафесію.
У юбілейным мемарыяльным канцэрце прагучаць лепшыя хіты Яўгена Глебава розных гадоў. Усе гэтыя мелодыі – як вакальныя, так і інструментальныя – шырока вядомыя ў Беларусі, іх ведаюць нават тыя, хто далёкі ад музыкі. Іх выконвалі і знакамітыя артысты, і шматлікія самадзейныя калектывы. Музыка Яўгена Глебава стала сапраўды народным здабыткам!
Канцэрт, прысвечаны 95-годдзю народнага артыста СССР і Беларусі Яўгена Глебава, будзе вялікім музычным прынашэннем нашаму знакамітаму земляку.
