музыка і песні з кінафільмаў
“МУЗЫКА КІНО”
Сусветны кінематограф вядомы ўсім не толькі акцёрамі, рэжысёрамі, аператарамі, але і сваёй незвычайна прыгожай, эпічнай музыкай. Часам забываюцца сюжэты, сцэнары, але мелодыя з любімага кінафільма застаецца на слыху ў гледача.
Праграма “Музыка кіно” у выкананні Нацыянальнага акадэмічнага народнага аркестра Рэспублікі Беларусь імя І.Жыновіча – гэта падарунак усім кінааматарам і прыхільнікам папулярнага жанру.
У канцэрце прагучаць мелодыі і песні з фільмаў сусветнага кінематографа “Піраты Карыбскага мора”, “Гульня тронаў”, “Таткі”, “Прафесіянал” і фільмаў, якія па праве можна назваць класікай савецкага кіно – “Шэрлак Холмс і доктар Ватсан”, “Зямля Саннікава”, “Дванаццаць крэслаў”, “Жаніцьба Бальзамінава” і інш. У гэты вечар на сцэне салісты аркестра – лаўрэаты міжнародных конкурсаў Наталля Брацлоўская, Ігар Задарожны, Юлія Высоцкая, Алена Касціцына. Дырыжор канцэрта – Аляксандр Высоцкі.
