Білетная каса:

+375 17 331-16-17

Замаўленне квіткоў

“Сузор’е талентаў”: Нацыянальны акадэмічны народны аркестр Рэспублікі Беларусь імя І.Жыновіча

Дата: 19.11.2017 пачатак у 19:00
Нацыянальны акадэмічны народны аркестр Рэспублікі Беларусь імя І.Жыновіча
Мастацкі кіраўнік – народны артыст Беларусі Міхаіл Казінец
Канцэрт салістаў – лаўрэатаў міжнародных конкурсаў
“Сузор’е талентаў”
 

“Сузор’е талентаў”. Так называецца канцэрт, які адбудзецца 19 лістапада 2017 года на сцэне Беларускай дзяржаўнай філармоніі. У гэты вечар сваё віртуознае майстэрства прадэманструюць публіцы салісты Нацыянальнага акадэмічнага народнага аркестра Рэспублікі Беларусь імя І.Жыновіча — старэйшага калектыву, які на працягу шмат гадоў рупліва збірае пад сваім крылом самых яркіх і таленавітых выпускнікоў Беларускай дзяржаўнай акадэміі музыкі па класу народнага выканальніцтва, лаўрэатаў разнастайных міжнародных конкурсаў.

У аркестры імя І.Жыновіча шмат яскравых саліруючых музыкантаў, сапраўдных зорак сучаснага музычнага выканальніцтва. Гэта цымбалісты Юлія Высоцкая, Марта Галубко, Алена Касціцына, Галіна Лазовік і Аксана Хахол, баяніст Дзяніс Чорны, ударнік Сяргей Шаптуноў, артысты духавой групы Аляксандр Запатылак (кларнет) і Ігар Кіклевіч (флейта). Усе яны прымуць удзел у вялікім гала-канцэрце 19 лістапада. Свята народнай музыкі ўпрыгожыць таксама выступленне фальклорнай групы аркестра на чале з непераўзыдзеным майстрам выканання на беларускіх народных драўляных духавых інструментах, заслужаным артыстам Рэспублікі Беларусь Аляксандрам Крамко.

Бліскучы феерверк віртуозных мелодый, чаргаванне разнастайных музычных нумароў, якія, як у калейдаскопе, змяняюць свае фарбы і ўзоры, магутнасць і хараство аркестравага гучання і, нарэшце, уразлівая сустрэча з музыкантамі, чыі імёны складаюць летапіс нацыянальнай беларускай школы ігры на народных музычных інструментах — усё гэта забяспечыць публіцы яркія, непадробныя эмоцыі.

Дырыжыраваць аркестрам будзе сапраўдны ўладар і чараўнік, народны артыст Беларусі, лаўрэат Дзяржаўнай прэміі і прэміі “За духоўнае адраджэнне”, прафесар Міхаіл Казінец — знакаміты маэстра, які ўзначальвае калектыў вось ужо больш як 45 гадоў.

лаўрэаты міжнародных конкурсаў
Юлія Высоцкая
Марта Галубко
Алена Касціцына
Галіна Лазовік
Аксана Хахол
цымбалы
Аляксандр Запатылак кларнет
Ігар Кіклевіч флейта
Аляксандр Рыцікаў дудка
Дзяніс Чорны баян
Сяргей Шаптуноў ксілафон
Ігар Баршчэўскі бас-гітара
Фальклорны гурт пад кіраўніцтвам заслужанага артыста Рэспублікі Беларусь Аляксандра Крамко
Мастацкі кіраўнік і галоўны дырыжор — народны артыст Беларусі, прафесар
Міхаіл Казінец
Вядучая – Вольга Брылон
 
У праграме:
I аддзяленне
Я.Глебаў – “Святочная ўверцюра”
Выконвае аркестр
 
А.Крамко – “Перагукі-перазвоны”
Салісты – Аксана Хахол і Аляксандр Рыцікаў
Л.Маліноўскі – Фантазія для аркестра “Ох, і сеяла Ульяніца лянок” (прэм’ера)
Выконвае аркестр
 
Д.Смольскі – Канцэрт №2 для цымбал з аркестрам “Памяці І.Жыновіча”
Салістка – Галіна Лазовік
 
Я.Глебаў – Адажыа з балета “Маленькі прынц”
Выконвае аркестр
 
М.Тэадаракіс – Уверцюра да оперы “Квартал анёлаў”
Т.Кубота-А. Цыганкоў – “Вочы чорныя”
Ё.Кола – “Перпетуум мобіле”
Саліст – Сяргей Шаптуноў
 
В.Малых – “Старагародская сюіта” (II, III чч.)
Выконвае аркестр
 
II аддзяленне
А.Лядаў – Народны сказ “Кікімара”
Выконвае аркестр
 
А. Крамко – “Галасы старонкі роднай”
Выконвае фальклорная група ў складзе:
Аляксандр Крамко, Аляксандр Рыцікаў, С.Забаронак, В.Галоўчык,
Ігар Кіклевіч, Аляксандр Запатылак
 
У.Кур’ян – Музычная акварэль “Зязюленька”
Салісты – Юлія Высоцкая і Алена Касціцына
 
В.Гарадоўская – “Зімовая фантазія”
Выконвае аркестр
 
З. де Абрэу – “Ціка-ціка”
Выконвае ансамбль цымбалістаў
 
Д.Іваноў – “Плясавая”
Саліст – Дзяніс Чорны
 
Р.Гальяна – “Танга”
Салісты – Марта Галубко, Дзяніс Чорны, Сяргей Шаптуноў і Ігар Баршчэўскі
 
К.Веласкес-А. Крамко – “Bésame mucho”
Выконвае аркестр
Саліст – Сяргей Шаптуноў
"Парад солистов": Национальный академический народный оркестр Республики Беларусь им. И. Жиновича