І.Гайдн, А.Вівальдзі, Л.Вінчы, Г.Ф.Тэлеман, Ж.Б. де Сэн-Жорж
“ШЭДЭЎРЫ І АДКРЫЦЦІ”
Камерны аркестр заслужанага калектыву Рэспублікі Беларусь Музычнай капэлы “Санорус”
Галоўны дырыжор – Вячаслаў Ларын
Салісты – Марыя Гладзікава (сапрана)
Паліна Тхай (віяланчэль, Расія)
Дырыжор – Вячаслаў Ларын
***
19 красавіка 2025 года ўнікальную канцэртную праграму падорыць вам заслужаны калектыў Рэспублікі Беларусь Музычная капэла “Санорус” пад кіраўніцтвам галоўнага дырыжора Вячаслава Ларына. Шэдэўры Іозефа Гайдна і Антоніа Вівальдзі, рэдкія перліны Георга Філіпа Тэлемана і шэвалье Жозэф Балані де Сэн-Жоржа з Гвадэлупы, празванага “чарнаскурым Моцартам”. І сапраўднае адкрыццё – музыка Леанарда Вінчы!
У гэты вечар на сцэне Малой залы імя Р.Шырмы Беларускай дзяржаўнай філармоніі выступяць выдатныя салісты – вытанчанае сапрана, салістка Музычнай капэлы “Санорус” Марыя Гладзікава і юная, але вядомая маскоўская віяланчалістка, лаўрэат Міжнароднага конкурсу імя П.І.Чайкоўскага і Міжнароднага тэлевізійнага конкурсу “Шчаўкунок” Паліна Тхай, якая выступае з найвядомымі аркестрамі і дырыжорамі ў лепшых канцэртных залах Расіі!
