Пасольства Рэспублікі Польшча ў Рэспубліцы Беларусь і Установа культуры «Клуб аматараў польскай і беларускай культуры» сардэчна запрашаюць на Гала-канцэрт VII Фестывалю песні Ганны Герман «Эўрыдыка», які адбудзецца 21 кастрычніка 2018 г. а шостай гадзіне вечара на галоўнай сцэне Беларускай дзяржаўнай філармоніі.
У праграме канцэрта выступленне лаўрэатаў VII Фестывалю і лаўрэатаў фестываляў мінулых гадоў, узнагароджванне пераможцаў, выступ запрошаных гасцей і членаў журы.
У канцэрце прымуць удзел:
папулярная беларуская спявачка Іскуі Абалян,
вядомы польскі спявак Марэк Раўскі (Польшча),
дацэнт кафедры мастацтва эстрады Беларускага дзяржаўнага ўніверсітэта культуры і мастацтваў, спявачка Таццяна Дробышава,
салісты Нацыянальнага акадэмічнага Вялікага тэатра оперы і балета Рэспублікі Беларусь Аляксандр Гелах і Юрый Гарадзецкі,
вядомы польскі кампазітар і піяніст Ежы Дэрфел;
пераможцы фестываляў мінулых гадоў:
Галіна Сакольнік – салістка Белдзяржфілармоніі, Гран Пры VI Фестывалю,
Юлія Скурко – Гран Пры III Фестывалю,
Паліна Данская – салістка ваеннага аркестра ў Мінску, 1 прэмія VI Фестывалю,
Яна Карнейчык – прэмія VI Фестывалю;
Ганаровыя госці Фестывалю:
Маймуна – беларуская скрыпачка, стыпендыят спецыяльнага фонду Прэзідэнта Рэспублікі Беларусь па падтрымцы таленавітай моладзі;
Надзея Бронска – вядомая беларуская выканаўца песень Ганны Герман.
Канцэрт пройдзе ў суправаджэнні народнага інструментальнага ансамбля “ARS LONGA”, кіраўнік – Марат Лагутка.
Вядучыя канцэрта:
вядучы канала “Культура” беларускага радыё Уладзімір Трапянок і папулярная беларуская актрыса і тэлевядучая Юлія Шпілеўская.
Рэжысёр канцэрта – Марына Таварніцкая.
Інфармацыя пра фестываль-конкурс www.annagerman.by
Запрашаем усіх прыхільнікаў Ганны Герман і ўдзельнікаў Фестывалю на творчую сустрэчу з польскім біёграфам Ганны Герман, аўтарам кніг пра жыццё спявачкі Марыолай Прызван, якая адбудзецца 20 кастрычніка 2018 гадоў а 17.30 у Малой зале Белдзяржфілармоніі.
Уваход вольны.