Білетная каса:

+375 17 396-16-17

Замаўленне квіткоў
Год качества

“Кот у ботах”: музычны спектакль для дзяцей

Дата: 29.03.2023 пачатак у 11:00
Катэгорыя: Музыка для дзяцей

Музычны спектакль для дзяцей “КОТ У БОТАХ

(па матывах казкі Шарля Перо)

29 і 30 сакавіка 2023г. на сцэне Малой залы імя Р.Шырмы Беларускай дзяржаўнай філармоніі адбудзецца чаканая ПРЭМ’ЕРА музычна-тэатралізаванага спектакля “Кот у ботах” у выкананні артыстаў Філармоніі для дзяцей і юнацтва.

Музычны спектакль створаны па матывах чароўнай казкі Шарля Перо, у якой Кот дзякуючы розуму, хітрасці і кемлівасці дапамог свайму гаспадару, малодшаму сыну старога млынара, стаць паўнапраўным уласнікам раскошнага палаца і ажаніцца на чароўнай прынцэсе.

“Кот у ботах” – займальны музычны спектакль з дынамічным маляўнічым дзеяннем. Казка апавядае аб тое, што ні пры якіх акалічнасцях няможна западаць у маркоту, а трэба настойліва і ўпэўнена ісці да запланаваных мэт і запаветных мар.

Зачараванне казкі Шарля Перо, музыка Цэзара Кюі, поўная пяшчоты, досціпу і вытанчанасці – такая новая пастаноўка Філармоніі для дзяцей і юнацтва. Гледачоў чакаюць незвычайныя рэжысёрскія развязкі, нестандартныя прыёмы і новыя творчыя знаходкі. Запрашаем на прэм'еру!

Выканаўцы роляў у спектаклі – лаўрэаты і дыпламанты міжнародных і нацыянальных конкурсаў, салісты Беларускай дзяржаўнай філармоніі:

Казачніца – Дар’я ВІТКО

Кот у ботах – Галіна САКОЛЬНІК (меца-сапрана)

Жак-прасцяк – Уладзімір КОЗІН

Прынцэса – Марына ДАБРАЛЁТ (сапрана)

Кароль – Дзмітрый ТУНІК (бас)

Людаед – Максім АБРАВЕЦ (барытон)

Партыя фартэпіяна:

лаўрэат міжнародных конкурсаў Таццяна ЛЯСУН

Аўтар сцэнарыя і рэжысёр-пастаноўшчык – Таццяна МОЖАР

Кампазітар – Цэзар КЮІ

 

«Кот в сапогах»: музыкальный спектакль для детей