Білетная каса:

+375 17 331-16-17

Замаўленне квіткоў

Баравікоў Валерый (фартэпіяна)

Саліст Беларускай дзяржаўнай філармоніі Валерый Баравікоў - дзіўны музыкант: яго здольнасці настолькі рознабаковы, што, дзякуючы ім, Валерый Баравікоў стаў незаменным удзельнікам адразу двух творчых саюзаў - фартэпіяннага дуэта (сумесна з Наталляй Котавай) і трыо «Кансананс» (сумесна з двума цымбалісткамі - Таццянай Шумаковай і Наталляй Аруцюнавай).

За час існавання гэтых двух ансамбляў Валерый Баравікоў праявіў сябе не толькі як яркі выканаўца, але і як таленавіты аранжыроўшчык: за транскрыпцыі, зробленыя для двух фартэпіяна, ён стаў лаўрэатам першай прэміі Другога міжнароднага конкурсу Duo Kodama. Яго транскрыпцыі, разнастайныя як па жанрах, так і па формах (сімфанічная музыка, балет, опера, музыка да тэатральных пастановак і кіно), атрымалі высокую ацэнку з боку прызнаных лідэраў расійскага музычнага мастацтва А.Шнітке, Б.Чайкоўскага, А.Эшпая.

В.Баравікоў - лаўрэат I прэміі і спецыяльнага прыза «За высокае майстэрства» на Усерасійскім адкрытым конкурсе «За раялем ўдваіх» імя А.Г.Бахчыева (2009, Расія). У 2010 годзе за дасягненні ў прафесійнай дзейнасці, значны асабісты ўклад у развіцці і прымнажэнне духоўнага і інтэлектуальнага патэнцыялу, культурнай спадчыны беларускага народа піяніст быў узнагароджаны Медалём Францыска Скарыны.