Навагодняя музычная казка для дзяцей
“Час навагодніх цудаў”
Цудоўныя чароўныя ператварэнні, вясёлыя прыгоды казачных персанажаў, арыгінальная харэаграфічная пастаноўка, казачнае светлавое афармленне і неверагоднае жывое гучанне філарманічнага органа!
Калі прыходзіць Новы год? Вядома ж, з апошнім ударам курантаў! А калі гадзіннік зломіцца? Ці наступіць тады Новы год?.. І ўвогуле, хто захоўвае чароўны гадзіннік? Хто з’яўляецца захоўнікам часу?.. Адказы на гэтыя пытанні вы пазнаеце, наведаўшы нашу навагоднюю музычную казку. Захапляльныя пагоні, займальныя прыгоды і нават... Зрэшты, не будзем пакуль раскрываць усе навагоднія сюрпрызы. Вас чакаюць у госці Снягурка, Дзядуля Мароз, Іван Весялун, Васілінка-Весялінка, Каралёва Зларада Першая і іншыя казачныя персанажы.
Чакаем Вас у Вялікай зале Белдзяржфілармоніі!
Аўтар праекта і рэжысёр-пастаноўшчык – Таццяна Можар
Аранжавальнік – Уладзімір Курловіч
Балетмайстар-пастаноўшчык – Святлана Рошчына
У галоўных ролях – салісты Белдзяржфілармоніі
У імпрэзе бярэ ўдзел дзіцячы тэатр танца “Фрэскі”
У праграме: М.Глінка, Л. ван Бетховен, С.Пракоф’еў, В.Саўчык
Найбліжэйшая імпрэза:
4 студзеня (панядзелак) 11.00 АДМЕНА
