С.Танееў – Кантата “Іаан Дамаскін”
харавыя творы рускіх і беларускіх кампазітараў
Да 100-годдзя народнага артыста СССР прафесара Віктара Роўды
і насустрач да 90-гадовага юбілею Беларускай дзяржаўнай акадэміі музыкі
“ХОР ЯК ЛЁС”
Студэнцкі хор Беларускай дзяржаўнай акадэміі музыкі
Дырыжор – Інэса Бадзяка
заслужаны калектыў Рэспублікі Беларусь
Акадэмічны хор Белтэлерадыёкампаніі
Дырыжор – Андрэй Саўрыцкі
Хор хлопчыкаў і юнакоў імя І.А.Жураўленка Рэспубліканскай гімназіі-каледжа пры Беларускай дзяржаўнай акадэміі музыкі
Дырыжор – Сямён Кліманаў
салісты Нацыянальнага акадэмічнага Вялікага тэатра оперы і балета Рэспублікі Беларусь
заслужаны артыст Рэспублікі Беларусь
Станіслаў Трыфанаў барытон
Анастасія Храпіцкая сапрана
Аляксандр Міхнюк тэнар
Дзяржаўны акадэмічны сімфанічны аркестр Рэспублікі Беларусь
Галоўны дырыжор – народны артыст Беларусі Аляксандр Анісімаў
Дырыжор – Аляксандр Анісімаў
Аўтар праекта – Інэса Бадзяка
21 лістапада 2021 года ў Беларускай дзяржаўнай філармоніі адзначаць 100-годдзе Віктара Уладзіміравіча Роўды.
У шматгадовай гісторыі беларускай харавой музыкі ёсць усяго некалькі імёнаў, што сталі па-сапраўднаму знакавымі. Адным з іх, бясспрэчна, з’яўляецца імя Віктара Уладзіміравіча Роўды – выбітнага хормайстра, які заклаў уласныя традыцыі выканання і стварыў адменную культуру харавога гучання, якую асцярожна захоўваюць наступныя пакаленні. Атрымаўшы музычнаую адукацыю ў Літоўскай кансерваторыі, а таксама скончыўшы духоўную семінарыю і медычны факультэт Вільнюскага ўніверсітэта па спецыяльнасці “хірург”, маэстра прызнаваўся, што ён доктар, святар і артыст у адной асобе. Падчас навучання ў аспірантуры пры Маскоўскай кансерваторыі ў знакамітага харавога дырыжора Аляксандра Васільевіча Свешнікава Віктар Роўда кіраваў вядучымі рускімі харавымі калектывамі, а пачынальна з 1956 года – практычна ўсімі асноўнымі харамі Беларусі: Дзяржаўнай акадэмічнай харавой капэлай Беларусі, канцэртным хорам Беларускай дзяржаўнай акадэміі музыкі, хорам Беларускага тэлебачання і радыё. Віктар Роўда зрабіў духоўную музыку набыткам свецкай публікі, выдаў шматлікія зборнікі харавых партытур, выканаў і запісаў на радыё ўвесь песенны фальклор, сабраны вялікім збіральнікам Рыгорам Шырмай.
У 1975 годзе Віктар Уладзіміравіч Роўда стаў мастацкім кіраўніком кансерваторскага канцэртнага хору і за гады працы падрыхтаваў больш за 800 хормайстраў. “Кожны чалавек у адказе перад Богам, перад самім сабой, перад грамадствам, і ён павінен хаця б час ад часу ставіць сабе пытанне: хто я на гэтай зямлі, што раблю, чым напоўнена мая душа?” – казаў прафесар. Роўда служыў харавой справе і бачыў у гэтым служэнні сэнс свайго жыцця.
У канцэрце, аўтарам ідэі якога стала цяперашняя кіраўніца студэнцкага хору Беларускай дзяржаўнай акадэміі музыкі Інэса Бадзяка, выступяць Акадэмічны хор Белтэлерадыёкампаніі (дырыжор – Андрэй Саўрыцкі), Студэнцкі хор БДАМ (дырыжор – Інэса Бадзяка), Хор хлопчыкаў і юнакоў імя І.А.Жураўленкі Рэспубліканскай гімназіі-каледжа пры БДАМ (дырыжор – Сямён Кліманаў). Супольна з Дзяржаўным акадэмічным сімфанічным аркестрам Рэспублікі Беларусь пад кіраваннем народнага артыста Беларусі Аляксандра Анісімава ў памяць аб Маэстра будуць выкананы творы беларускіх і рускіх кампазітараў, грунт праграмы складзе “рускі рэквіем” – лірыка-філасофская кантата Сяргея Танеева “Іаан Дамаскін”. У юбілейным канцэрце возьмуць удзел салісты Вялікага тэатра Беларусі – лаўрэаты міжнародных конкурсаў Анастасія Храпіцкая (сапрана), Аляксандр Міхнюк (тэнар) і заслужаны артыст Рэспублікі Беларусь Станіслаў Трыфанаў (барытон).
