Увага! У звязку з хваробай дырыжора Ксеніі Жарко ў канцэрце Дзяржаўнага камернага аркестра дырыжаваць будзе Алег Лясун.
Цыкл канцэртаў “Класіка – гэта класна!”
А.Ішмуратаў – Казка аб Мумі-тролях з аркестрам
“КАПЯЛЮШ ЧАРАДЗЕЯ” (па матывах твораў аб Мумі-тролях Туве Янсан)
заслужаны калектыў Рэспублікі Беларусь
Дзяржаўны камерны аркестр Рэспублікі Беларусь
Галоўны дырыжор – заслужаны артыст Расіі Яўген Бушкоў
Аўтар праекта – Яўген Бушкоў
Дырыжор – Алег Лясун
***
Уся справа ў капелюшы! Ва ўсякім разе, так лічаць маленькія казачныя істоткі – мумі-тролі. Разабрацца з загадкавым капелюшом і знайсці яго гаспадара нашым героям дапаможа не проста чароўная, а дырыжорская палачка! Досыць ёю ўзмахнуць – і пачнуцца дзіўныя прыгоды!
Выдатную музычную казку Айрата Ішмуратава “Капялюш Чарадзея” па матывах добрай і павучальнай гісторыі “мамы” мумі-троляў Туве Янсан прэзентуе Дзяржаўны камерны аркестр Рэспублікі Беларусь. Гэта праграма – чаканы працяг аўтарскага праекта для дзяцей і іх бацькоў “Класіка – гэта класна!” мастацкага кіраўніка і галоўнага дырыжора аркестра Яўгена Бушкова – галоўнага чараўніка калектыву.
Чакаем вас, сябры, 16 красавіка ў Вялікай зале Белдзяржфілармоніі. Казачная гісторыя пачнецца а 15.00!
