Білетная каса:

+375 17 396-16-17

Замаўленне квіткоў
Год исторической памяти

Нацыянальны акадэмічны народны аркестр Рэспублікі Беларусь імя І.Жыновіча: да юбілею Аляксандра Крамко

Дата: 17.12.2021 пачатак у 19:00
Катэгорыя: Папулярная музыка

ЛЕПШАЕ З КАНЦЭРТНЫХ ПРАГРАМ АЛЯКСАНДРА КРАМКО

Да 60-гадовага юбілею заслужанага артыста Рэспублікі Беларусь, дырыжора, аранжоўніка, мультыінструменталіста, кампазітара

Нацыянальны акадэмічны народны аркестр Рэспублікі Беларусь ім. І.Жыновіча

Мастацкі кіраўнік і галоўны дырыжор – народны артыст Беларусі

Міхаіл Казінец

Дырыжор – Аляксандр Крамко

Творчасць гэтага выдатнага музыканта неадрыўная ад гісторыі Нацыянальнага акадэмічнага народнага аркестра Рэспублікі Беларусь імя І.Жыновіча. Тры з паловай дзесяцігоддзі заслужаны артыст Рэспублікі Беларусь Аляксандр Крамко з’яўляецца камертонам, па якім аркестр звярае свае творчыя каардынаты. У 1986 годзе па рэкамендацыі мастацкага кіраўніка аркестра, народнага артыста Беларусі Міхаіла Казінца Аляксандр Крамко ўпершыню прыйшоў у аркестр у якасці віртуознага выканаўцы на фальклорных духавых інструментах. За гэтыя гады дзякуючы актыўнай і плённай працы ў аркестры Аляксандр Крамко ў поўнай меры раскрыў свой шматгранны талент, праявіўшы сябе не толькі як музыкант-мульціінструменталіст, які валодае мноствам самых разнастайных музычных інструментаў, але і як непераўзыдзены аранжыроўшчык і дырыжор, які ажыццявіў разам з аркестрам дзясяткі новых канцэртных праграм і стварыў калектыву новы сучасны творчы імідж.

17 снежня 2021 года Нацыянальны акадэмічны народны аркестр Рэспублікі Беларусь імя І.Жыновіча будзе ўшаноўваць свайго выдатнага калегу з 60-гадовым юбілеем. У гэты вечар пад кіраўніцтвам юбіляра аркестр пакажа фрагменты самых яркіх і запамінальных канцэртных праграм, прыдуманых Аляксандрам Крамко ў розныя гады. Сярод гэтых праграм – канцерт «Верни мне музыку» з твораў Арно Бабаджаняна, штогадовы студзеньскі “Канцэрт у дзень нараджэння Уладзіміра Мулявіна”, нядаўняя прэм’ера «Есть только миг» да 95-годдзя кампазітара Аляксандра Зацэпіна, рэтра-праект «Мамина пластинка» з папулярных песень савецкай эстрады і многія іншыя. У юбілейным канцэрце Аляксандра Крамко прымуць удзел салісты аркестра Марта Галубко і Аксана Хахол (цымбалы), Аляксандр Рыцікаў (фальклорныя духавыя), а таксама салісты-вакалісты Наталля Брацлоўская, Ігар Задарожны, Анастасія Рачыцкая і Андрэй Коласаў.

Вядучая канцэрта – Вольга Брылон.

Нашым любімым гледачам мы абяцаем цёплы душеўны вечар у атмасферы знаёмых і любімых мелодый.

Национальный академический народный оркестр им. И.Жиновича: к юбилею Александра Кремко