“Новы год у філармоніі”

Па добрай традыцыі ўвечар 31 снежня галоўны аркестр краіны пад кіраўніцтвам маэстра Аляксандра Анісімава запрашае гледачоў на святочны канцэрт “Новы год у філармоніі”.

У праграме – любімая класіка, прэм’еры новых мелодый, выступленні салістаў Беларускай дзяржаўнай філармоніі, Нацыянальнага акадэмічнага Вялікага тэатра оперы і балета Рэспублікі Беларусь, Беларускай дзяржаўнай акадэміі музыкі, чэмпіёнаў Беларусі па спартыўных танцах і шмат іншых сюрпрызаў.

Пачатак канцэрта а 18 гадзіне.

З Новым годам!