П.Чайкоўскі, А.П’яцола, Г.Гарэлава
“ПОРЫ ГОДА”
Ансамбль салістаў “Класік-Авангард”
Мастацкі кіраўнік, дырыжор і вядоўца – Людміла Каліноўская
***
“Змена пор года – сведчанне вечнасці, непахіснасці светабудовы. Кожная новая пара – гэта не толькі іншае надвор’е, але і адменны стан душы.
У кожнага сезона досыць сваёй прыгажосці, кожнай пары ўласцівы свой акцэнт, у кожным часе ёсць свае перавагі, і па кожным мы паспяваем знудзіцца за цэлы год. Злучыць усе чатыры сезоны, як у казцы “12 месяцаў”, можна на канцэрце ансамбля “Класік-Авангард”.
Будуць прэзентаваны 12 характарыстычных карцін – цыкл “Поры года” Пятра Чайкоўскага, чатыры пары года ў Буэнас-Айрэсе Астара П’яцолы і чатыры вытанчаныя сезонныя замалёўкі беларускага класіка Галіны Гарэлавай”.
Людміла Каліноўская
