I аддзяленне
– Рускія народныя песні “Ой, мароз, мароз”, “Уздоўж па Піцерскай”
Эдвард Грыг
– Музыка з сюіты да драмы Г.Ібсэна “Пер Гюнт”
“Песня Сальвейг”; “У пячоры горнага караля”
Астар П’яцола
– “Oblivion”
– “Fuga y Misterio”
– “Libertango”
Міхаіл Дзегцяроў
– “Мелодыя”
Кірыл Цімафееў
– “Стары”
Эніа Марыконэ
– “Габой Габрыэля” з к/ф “Місія”
Ханс Цымер
– “Ён – пірат” з к/ф “Піраты Карыбскага мора”
II аддзяленне
Луіс Банфа
– “Самба Арфея” з ка/ф “Чорны Арфей”
Дзюк Элінгтон, Шалом Секунда, Барт Ховард
– Папуры з папулярных тэм эры свінга “Свінг, свінг, свінг”
Генры Манчыні
– “Месяцовая рака” з к/ф “Сняданак у Тыфані”
– Мелодыя з к/ф “Ружовая пантэра”
ROCK SONG BOOK
Mick Jagger / Keith Richards
– “Out оf Time”
Ritchie Blackmore / Ronnie James Dio
– “Rainbow Eye”
John Lennon / Paul McCartney
– “Honey Pie” – “Michelle “
– “Dizzy Miss Lizzy”
Да 20-годдзя стварэння калектыву
“RASTRELLI CELLO QUARTET”:
Кірыл Краўцоў мастацкі кіраўнік
Міхаіл Дзегцяроў
Кірыл Цімафееў
Сяргей Драбкін
***
“У гэтых мужчынаў ёсць мэта – Rastrelli Cello Quartet створаны для таго, каб давесці, што на віяланчэлі можна граць усё” – String magazine (ЗША)
“Д’ябальскае віяланчэльнае майстэрства!»” – Kieler Nachrichten (Германія)
“Унікальны ў гэтым калектыве не гэтак састаў, як незвычайнае майстэрства музыкантаў, камандны дух і здольнасць захапляць публіку за сабой” – Neue Züricher Zeitung (Швейцарыя)
Rastrelli Cello Quartet базуецца ў Германіі, але вядомы таксама ў музычным свеце і як расійскі калектыў. Імя Барталамеа Франчэскі Растрэлі, аднаго з архітэктараў, якія стварылі аблічча гістарычнага цэнтра Пецярбурга, у назве не выпадковае: трое з музыкантаў квартэта – выхаванцы пецярбургскай віяланчэльнай школы (Кірыл Краўцоў, Міхаіл Дзегцяроў, Кірыл Цімафееў).
Rastrelli Cello Quartet быў створаны ў 2002 годзе. Ідэя сабраць квартэт, які складаецца толькі з віяланчэляў, аказалася паспяховай, і гэты калектыў неўзабаве атрымаў вядомасць і ў Расіі, і ў Еўропе. У наш час геаграфія гастроляў квартэта ахапляе больш за 30 краін, ад ЗША да Аўстраліі. Ансамбль выступаў практычна на ўсіх значных фестывалях Еўропы, даў больш за 700 канцэртаў, з іх каля 250 – у ЗША.
Рэпертуар квартэта размаіты. Яго ўдзельнікі перакананы, што віяланчэль выдатна падыходзіць для музыкі кожных кірункаў і жанраў, ад класічнай спадчыны да джаза, аргенцінскага танга і рока. Квартэт выконвае толькі апрацоўкі, уся музыка на канцэртах гучыць у аранжаванні Сяргея Драбкіна – нашага земляка (нарадзіўся ў Полацку), выпускніка Мінскай кансерваторыі.
Ансамбль шукае магчымасць спалучэння тэмбру віяланчэлі з гучаннем іншых інструментаў. Rastrelli Cello Quartet выконвае праграмы з сімфанічным аркестрам, выступае з кларнетыстам Гіёрам Фейдманам, скрыпачом Жылем Аламам, хорам King’s Singers (Вялікабрытанія), супрацоўнічае з расійскімі рок- і поп-музыкантамі, такімі як Андрэй Самсонаў і Святлана Сурганава. У партнёрстве з Сяргеем Шнуравым квартэт запісаў альбом “Малая Ленінградская сімфонія”, які ў лістападзе 2014 года чатыры тыдні быў у дзясятцы самых папулярных кампазіцый iTunes Russia.