Канцэрт да 100-годдзя Аляксандра Зацэпіна

“ЗАЛАТЫЯ КІНАХІТЫ”

“Сакрэт майго творчага даўгалецця – у працы! Іншых сакрэтаў няма. Кожны дзень я сядаю да кампутара і пішу музыку!”

Аляксандр Сяргеевіч Зацэпін – аўтар музыкі да шматлікіх кінастужак розных жанраў, які стварыў звыш 300 шлягераў савецкай эстрады. Несмяротныя шэдэўры легендарнага савецкага кінарэжысёра Леаніда Гайдая прыдбалі вялікі поспех менавіта ў супольнасці з Аляксандрам Сяргеевічам.

З кампазітарам злучана цэлая эпоха савецкага кінематографа і эстрады. Яго песні – «Если б я был султан», «Помоги мне», «Звенит январская вьюга», «Волшебник-недоучка», «Есть только миг» жывуць дзесяцігоддзямі і заўсёды сучасныя.

У праграме канцэрта да 100-годдзя выбітнага майстра прагучаць самыя вядомыя творы з кінастужак “Аперацыя “Ы” і іншыя прыгоды Шурыка”, “Каўказская палонная”, “Дыяментавая рука”, “Дванаццаць крэслаў”, “Не можа быць” і іншых.

У канцэрце бяруць удзел салісты Беларускай дзяржаўнай філармоніі, лаўрэаты рэспубліканскіх і міжнародных конкурсаў:

Іван Кручко

Дзмітрый Гайдукоў

Тамара Рэмез

Ганна Янкоўская

Марына Дабралёт

Ксенія Малахвейчук

Святлана Еўтух

Інструментальны ансамбль:

Алена Лузан (фартэпіяна)

Анатоль Цяльцоў (баян)

Ксенія Андрэева (флейта)

Аляксандр Вітко (тэрменвокс)

Уладзімір Козін (бас-гітара)

Аляксей Бягеза (ударныя)

Аўтар праекта, вядоўца – музыкавед Дар’я Вітко