Габрыэлm Фарэ "Рэквіем"

Заслужаны калектыў Рэспублікі Беларусь

Дзяржаўны камерны хор Рэспублікі Беларусь

Мастацкі кіраўнік і дырыжор – заслужаная артыстка Рэспублікі Беларусь

Наталля Міхайлава

Арына Аляксеева сапрана

Дзяніс Іваноў барытон

Юры Габрусь, Варвара Царук арган

Музыказнаўца – Наталія Ганул

"Фарэ стварыў адзіную ў сваім родзе Памінальную Імшу, якая адводзіць нас ад страху смерці ў царства чулай яснасці і здзейсненага шчасця"

К. д’Эспазіта (астраном, сучаснік кампазітара)

Нароўні з шэдэўрамі арганнай музыкі Францыі ХІХ-ХХ стагоддзяў у канцэрце прагучыць знакаміты “РЭКВІЕМ” французскага кампазітара і арганіста Габрыэля Фарэ (1845-1924).

Рэквіем Фарэ адрозніваецца арыгінальнай трактоўкай гэтага старадаўняга жанру, да якога ўжо звярталіся В.А. Моцарт, Л. Керубіні, Г. Берліёз, І. Брамс і Дж. Вердзі. Гэта, бадай, адзіны прыклад памінальнага жанру, які не акцэнтуе ўвагу слухача на сцэнах Страшнага Суда. Асноўная яго ідэя – Вера, Супакой, Мір і Любоў, а вобраз смерці ўспрымаецца як доўгачаканае збавенне, пераход да тых вышэйшых сфер, пра якія мрояць філосафы ўсіх часоў і народаў.

Рэквіем Фарэ – унікальны твор, які зусім пазбаўлены налёту змрочнасці: замест адчування смерці нам прапануецца адчуванне спакою, замест смутку – светлы сум, замест пекла – вобразы Рая.