Цыкл канцэртаў
“Шэдэўры сусветнага арганнага мастацтва”
“БЕЛАРУСКІ АРГАННЫ ФЭСТ”
У канцэрце бяруць удзел:
народны артыст Беларусі Ігар Алоўнікаў
заслужаная артыстка Рэспублікі Беларусь Ксенія Пагарэлая
лаўрэаты міжнародных конкурсаў
Кацярына Нікалаева
Калініка Мядзведзева
Уладзімір Неўдах
Вольга Падгайская
Юлія Ахотнікава фартэпіяна
Арцём Атрашэўскі тэрменвокс
Музыказнаўца – кандыдат мастацтвазнаўства Вольга Савіцкая
У праграме: І.С.Бах, Л.Н.Клерамбо, Г.Ф.Тэлеман, Л.Маршан, Л.Бёльман, К.Сен-Санс, Ш.М.Відор, В.Падгайская
“Арганы — гучныя сведкі беларускай гісторыі.
Змяняліся эпохі, адбываліся лёсавызначальныя падзеі ў жыцці краіны, а гукі аргана працягвалі напаўняць душы беларусаў вялікай духоўнасцю, падштурхоўвалі задумацца аб спрадвечных каштоўнасцях чалавечага жыцця. У багатай музычнай скарбонцы беларусаў — імёны выдатных арганістаў і кампазітараў, арганных майстроў, тых, хто прысвяціў сябе служэнню «каралю музычных інструментаў».
Так напісана ў кніжцы “Арганы Беларусі”, з’яўленне якой пазначыла новую хвалю адраджэння арганнага мастацтва Беларусі. Неаспрэчным падцверджаннем уздыму стала надзвычайнай падзея 16 мая на сцэне Вялікай залы Белдзяржфілармоніі — “БЕЛАРУСКІ АРГАННЫ ФЭСТ”.
Аўтар ідэі, аўтар увасаблення — музыказнаўца, кандыдат мастацтвазнаўства — Вольга Савіцкая, чыё слова кранальна суправаджае выканальніцкія канцэртныя “маналогі” лепшых беларускіх арганістаў сучаснасці.
16 мая. Арган Вялікай залы Белдзяржфілармоніі. Пачатак а 19.00”
Ларыса Сімаковіч
