Білетная каса:

+375 17 396-16-17

Замаўленне квіткоў
Год исторической памяти

Данілаў Аляксандр (фартэпіяна)

Данілаў Аляксандр (фартэпіяна)

Аляксандр Данілаў нарадзіўся 15 мая 1995 года ў Мінску (Беларусь). Выпускнік Рэспубліканскай гімназіі-каледжа пры Беларускай дзяржаўнай акадэміі музыкі (клас выкладчыка І.І.Барташэвіч, заслужанага артыста Рэспублікі Беларусь, прафесара Ю.М.Гільдзюка) (2013). У 2018 годзе скончыў Беларускую дзяржаўную акадэмію музыкі, у 2019 – магістратуру (клас заслужанага артыста Рэспублікі Беларусь, прафесара Ю.М.Гільдзюка). У наш час з’яўляецца артыстам заслужанага калектыву Рэспублікі Беларусь Прэзідэнцкага аркестра Рэспублікі Беларусь, салістам Беларускай дзяржаўнай філармоніі.

Лаўрэат VII Адкрытых моладзевых Дэльфійскіх гульняў дзяржаў-удзельніц СНД (Астана, Казахстан, 2012, срэбны медаль), V Міжнароднага фартэпіяннага конкурсу “Мінск–2014” (Мінск, Беларусь, 2014, II прэмія), XI Міжнароднага конкурсу камерных ансамбляў імя М.К.Агінскага (Смаргонь, Беларусь, 2015, II прэмія), V Міжнароднага інструментальнага конкурсу імя Я.Ф.Станковіча (Кіеў, Украіна, 2017, Гран-пры), VIII Міжнароднага конкурсу камерных ансамбляў імя І.Брамса (Гданьск, Польшча, 2018, III прэмія), III Міжнароднага конкурсу імя С.Т.Рыхтара (Брэст, Беларусь, 2019, I прэмія).

Музыкант з’яўляецца ўладальнікам першых прэмій IV і V Рэспубліканскіх музычна-тэарэтычных алімпіядаў у Гомелі (2010) і Гродна (2012). Узнагароджаны Падзякамі Рэктара Беларускай дзяржаўнай акадэміі музыкі за мэтлівасць у авалоданні прафесіяй і ўклад па падтрыманні высокага прэстыжу навучальнай установы (2015, 2016), граматай Амбасады Рэспублікі Беларусь у Фінляндыі за ўклад у развіццё беларуска-фінляндскіх адносін у вобласці культуры (2016). Уладальнік Міжнароднай музычнай прэміі Еўразійскага эканамічнага саюза “Belbrand Award” (2016), званні “Лепшы працаўнік 2018 года” у ДУ “Дварэц Рэспублікі”. Лаўрэат (2013, 2015, 2018), стыпендыят (2010) і ўладальнік заахвочвальнай прэміі (2016, 2017) спецыяльнага фонду Прэзідэнта Рэспублікі Беларусь па падтрымцы таленавітай моладзі.

Піяніст неаднаразова выступаў у якасці саліста з Дзяржаўным акадэмічным сімфанічным аркестрам Рэспублікі Беларусь, сімфанічным аркестрам Беларускай дзяржаўнай акадэміі музыкі, Расійска-беларускім моладзевым сімфанічным аркестрам і Прэзідэнцкім аркестрам Рэспублікі Беларусь. Супрацоўнічаў з такімі дырыжорамі, як Іван Касцяхін, Ігар Бухвалаў, Юрый Галяс, Андрэй Галанаў, Андрэй Іваноў, Вячаслаў Бартноўскі, Людміла Жабінская, Віктар Бабарыкін і Вячаслаў Воліч. Цяпер вядзе актыўную канцэртную дзейнасць не толькі ў Рэспубліцы Беларусь, але і за яе межамі: Расія, Казахстан, Кыргызстан, Кітай, Украіна, Сербія, Італія, Бельгія, Польшча, Эстонія, Фінляндыя.