Дж.Качыні, Д.Катон, К.Мантэвердзі, А.Банк’еры, А.Скарлаці, Л.Куперэн, І.С.Бах, Дж.Марціні, К.Гаспарыні
XXXIX Фестываль музыкі “Мінская вясна”
“МУЗЫКА АДРАДЖЭННЯ І БАРОКА”
заслужаны калектыў Рэспублікі Беларусь Дзяржаўны камерны хор Рэспублікі Беларусь
Мастацкі кіраўнік – заслужаная артыстка Рэспублікі Беларусь
Наталля Міхайлава
Салісты – Вераніка Чарняўская (сапрана)
Алёна Мазурык (меца-сапрана)
Аліна Злебава (меца-сапрана)
Кацярына Мішчанчук (скрыпка)
Дар’ян Шахаб (гітара, лютня)
Варвара Царук (клавесін)
***
Пышнасць барока і вытанчанасць Рэнесансу ў новай праграме вакальнай і інструментальнай музыкі.
Дзяржаўны камерны хор Беларусі пад кіраўніцтвам заслужанай артысткі Наталлі Міхайлавай выканае матэты і мадрыгалы італьянскіх майстроў, у творчасці якіх мастацтва Адраджэння дасягнула найвышэйшага росквіту. Прагучаць сачыненні Мантэвердзі, Банк’еры, Качыні ў розных ансамблевых саставах.
Цікавым акцэнтам стане беларуская інструментальная музыка Рэнесансу – дуэт гітары і клавесіна прадставіць публіцы кампазіцыі каралеўскага двара часоў Жыгімонта ІІІ Вазы.
Асаблівую атмасферу эпохі створыць непаўторнае гучанне майстаравай лютні, на якой будуць выкананы вядомыя сярэднявечныя мелодыі.
Экспрэсіўнае і вычварнае барока раскрыецца кантраснай вобразнасцю твораў Іагана Себасцьяна Баха, тонкасцю і душэўнасцю французскай клавесіннай музыкі, поліфанічным майстэрствам і вытанчанасцю італьянскіх кампазітараў – Марціні, Гаспарыні, Скарлаці.
